याे वर्ष पेट्रोलियम माग बढ्ने ऊर्जा एजेन्सीको प्रक्षेपण

अन्तर्राष्ट्रिय

गृहपृष्ठ
अन्तर्राष्ट्रिय

याे वर्ष पेट्रोलियम माग बढ्ने ऊर्जा एजेन्सीको प्रक्षेपण

क्यापिटल नेपाल बुधबार, माघ ४, २०७९

एजेन्सी। अन्तर्राष्ट्रिय ऊर्जा एजेन्सी (आइइए) ले यो वर्ष सन् २०२३ मा विश्व बजारमा पेट्रोलियम पदार्थको माग बढ्ने प्रक्षेपण सार्वजनिक गरेको छ। आइइएले यो वर्ष तेलको माग उच्च भई दैनिक १० करोड १७ लाख ब्यारेल पुग्ने अनुमान गरेको हो।

कुल वृद्धिको आधा हिस्सा चीनको हुने बताइएको छ। चीनले कोभिड महामारी कम भएसँगै विभिन्न प्रतिबन्ध खुला गरेकाले तेलको माग बढ्ने नयाँ अनुमान आएको हो। यो वर्ष २०२२ को भन्दा दैनिक १९ लाख ब्यारेल तेलको माग बढ्ने एजेन्सीले जनाएको छ।

कोभिड महामारीपछिको प्रतिबन्ध खुलेपछि झन्डै आधा माग चीनबाट आउने देखिएको छ। माग बढे पनि तेल आपूर्ति वृद्धि दैनिक १० लाख ब्यारेल मात्र बढ्ने एजेन्सीले जनाएको छ। अघिल्लो वर्ष तेल निर्यातक राष्ट्रहरुको संगठन (ओपेक) प्लस लिडले दैनिक ४७ लाख ब्यारलेसम्म तेल आपूर्ति गरेको थियो।

यस वर्ष तेलको माग १९ लाख ब्यारेलले बढेर १० करोड १७ लाख ब्यारेलमा पुग्न सक्छ। जुन अहिलेसम्मकै उच्च हो। रसियाली आपूर्ति प्रतिबन्धको पूर्ण प्रभाव अन्तर्गत सुस्त हुँदा यसले माग र आपूर्तिको सन्तुलनलाई असर पार्छ। यो वर्ष बजारमा रुस र चीन दुई वाइल्ड कार्ड हुनेछन्। युरोपेली संघ (इयू) को प्रतिबन्ध र उन्नत मुलुकहरुको संगठन (जी ७) को मूल्य क्यापले डिसेम्बरमा रूसी तेल निर्यात मात्र २ लाख ब्यारेलले घट्यो।

तर रूसी बेन्चमार्क निर्यात ग्रेडहरूमा भएको अधिक छुटले रूसको तेल बिक्रीबाट हुने आम्दानी गत महिना ३ अर्ब डलर घटेर १२ अर्ब ६० करोड डलरमा झरेको छ। यो सन् २०२१ को फ्रेब्रुअरीपछिको सबैभन्दा कम भएको एजेन्सीले जनाएको छ। फेब्रुअरी ५ देखि रूसी तेल उत्पादनहरूमा इयू प्रतिबन्धको अर्थ चाँडै २०२३ को सुरुमा राम्रोसँग आपूर्ति गरिएको तेल सन्तुलन तुरुन्तै कडा हुन सक्छ। तर, पश्चिमी प्रतिबन्धहरूले रूसी निर्यातलाई असर गर्न सक्ने छ।

(आयल प्राइस डटकमको सहयोगमा)

प्रकाशित मिति: बुधबार, माघ ४, २०७९ २०:२३

प्रतिक्रिया दिनुहोस्