बेलायतको संसदीय प्रतिनिधिमण्डलद्वारा एनएमबी बैंकको भ्रमण

बैंकिङ

गृहपृष्ठ
बैंकिङ

बेलायतको संसदीय प्रतिनिधिमण्डलद्वारा एनएमबी बैंकको भ्रमण

क्यापिटल नेपाल बिहीबार, चैत ९, २०७९

काठमाडौं। ब्रिटिस इन्टरनेसनल इन्भेस्टमेन्टका अध्यक्ष सारा च्याम्पियनको नेतृत्वमा एनएमबी बैंकको भ्रमण गरिएको छ। बेलायतको हाउस अफ कमन्सका प्रतिनिधिहरू र ब्रिटिस इन्टरनेसनल इन्भेस्टमेन्टका सदस्य समूहले एनएमबी बैंकको भ्रमण गरेका हुन्।

बैंकको ब्रिटिस इन्टरनेसनल इन्भेस्टमेन्टसगँको सहकार्यपश्चात भएको प्रगतिबारे अवलोकन गरी एनएमबी बैंकले कार्यान्वयन गर्दै आइरहेको दिगो बैंकिङ अभ्यासको जानकारी लिनु उक्त भ्रमणको मुख्य उद्देश्य रहेको बताइएको छ।

एनएमबी बैंकका प्रमुख कार्यकारी अधिकृत सुनील केसीले भ्रमणका प्रतिनिधिहरूलाई बैंकले दिगो बैंकिङ अभ्यासको कार्यान्वयनपश्चात गरेको प्रगति विवरणका बारेमा जानकारी दिएका थिए। बैंक तथा समग्र देशको दिगो विकास लक्ष्य प्राप्त गर्न पुर्याएको उल्लेखनीय योगदानका बारे पनि जानकारी दिए ।

प्रतिनिधिमण्डलसँग छलफलको क्रममा केसीले नेपालको दिगो तथा समाबेसी आर्थिक विकासबीच रहेको स्रोत साधनको अन्तरपूर्ति गर्नका लागि ब्रिटिस इन्टरनेसनल इन्भेस्टमेन्टजस्ता संस्थाले प्रदान गर्ने अनुदानको महत्व तथा आवश्यकताका बारेमा जोड दिएका थिए।

साथै, प्रतिनिधिहरूले बैंकले जलविद्युत परियोजनामार्फत समुदाय विकासमा पुर्याएको योगदानको प्रशंसा गरेका थिए। महिला तथा फरक ढंगले सक्षम व्यक्तिहरूको सशक्तीकरणका लागि बैंकले गरेको पहल र कमजोर आर्थिक अवस्था भएका र पिछडिएका समूहहरूको स्तर उन्नतिका लािग बैंकले गरेको योगदानका बारेमा छलफल गर्दै दुवैतर्फका प्रतिनिधिहरुले सोसम्बन्धी प्रतिक्रियासमेत आदानप्रदान गरेका थिए।

एनएमबी बैंकले हाल देशभरि २ सय १ शाखा, १ सय ३८ एटिएम र १२ एक्सटेन्सन काउन्टरमार्फत सेवा प्रदान गर्दै आइरहेको छ ।

प्रकाशित मिति: बिहीबार, चैत ९, २०७९ १३:५९

प्रतिक्रिया दिनुहोस्