सर्वनाम थिएटरमा ‘गोधूलिमा गजल’ कार्यक्रम सम्पन्न

कला / साहित्य

गृहपृष्ठ
कला / साहित्य

सर्वनाम थिएटरमा ‘गोधूलिमा गजल’ कार्यक्रम सम्पन्न

क्यापिटल नेपालशनिबार, जेठ २०, २०८०

काठमाडौं। मधुवन गोधूलिको साथी साहित्यिक संस्थाले कालिकास्थानस्थित सर्वनाम थिएटरमा ‘गोधूलिमा गजल’ कार्यक्रम सम्पन गरेको छ। संस्थाको सातौं वार्षिक उत्सवको अवसर पारेर आयोजना गरिएकाे उक्त कार्यक्रममा गजलकार लोकेन्द्र बन्जारा, आर सी संकल्प र कल्पना भूसालले गजल वाचन गरेका थिए।

महेन्द्र खड्काले सञ्चालन गरेको कार्यक्रममा गणेशबाबू अधिकारीको अध्यक्षता रहेको थियो। कार्यक्रममा प्रमुख अतिथि साहित्यकार छवि वैरागी घिमिरे, विशिष्ट अतिथि बाबु त्रिपाठी थिए।

दुई चरणमा विभाजन गरिएको उक्त कार्यक्रममा संस्थाको सातौं वार्षिक उत्सवमा यस्ता खालका प्रत्यक्ष गतिविधि गरेर साहित्यको जगेर्नाका लागि संस्थालाई शुभकामना तथा धन्यवाद व्यक्त गरिएको थियो। साहित्यले फुटाउने होइन, समाजलाई जोडेर भाइचाराको सम्बन्ध राख्न पर्छ भन्ने कुरामा प्रकाश पार्दै कार्यक्रमका प्रमुख आकर्षक गजलकारहरूलाई प्रमुख अतिथिहरूले हौसला प्रदान गरेका थिए। कार्यक्रममा गजलकारका सशक्त गजलले दर्शक उत्साहित भएका थिए।