१५ वर्षपछि संगीतमा फर्किए विनोद, हिम घोडा सार्वजनिक

कला / साहित्य

गृहपृष्ठ
कला / साहित्य

१५ वर्षपछि संगीतमा फर्किए विनोद, हिम घोडा सार्वजनिक

क्यापिटल नेपाल बिहीबार, वैशाख १७, २०८३

मनाङ। संगीतकार विनोद गुरुङ १५ वर्षपछि पुनः संगीत क्षेत्रमा फर्किएको छ। गायक, पर्यटन व्यवसायी, समाजसेवी एवम् फिल्म निर्माणमा सक्रिय गुरुङ लामो समयपछि नयाँ गीत ‘हिम घोडा’ सार्वजनिक गर्दै संगीत क्षेत्रमा फर्किएका हुन्।

लामो समयपछि पुनः संगीतमा फर्किएका उनले भने, ‘पुनः संगीत क्षेत्रमा आउने सपना पूरा भएको छ। मेरा लागि गीतसंगीत भनेको एक साधना हो, जसले मलाई सधैँ ऊर्जा र प्रेरणा दिन्छ।’

विगतमा देशमा भएका विभिन्न महामारीजन्य घटना र मनाङमा बाढीपहिरोजस्ता विपद्ले गर्दा गीतसंगीतभन्दा समाजसेवालाई समय दिनुपरेको गुरुङले सुनाए। अब भने यसै क्षेत्रमा निरन्तर लागिरहेने उनको प्रतिबद्धता छ। ‘हिम घोडा’ गीतमा शब्द तथा संगीत अशुसेन लामाले गर्नुभएको छ भने संगीत संयोजन राजु खड्काले गरेका थिए।

यस गीतको छायांकन मनाङका विभिन्न रमणीयस्थलमा गरिएको छ। गीतले मनाङको प्राकृतिक सुन्दरता झल्काउँदै आन्तरिक तथा बाह्य पर्यटन प्रवर्द्धनमा समेत योगदान पुर्याउने विश्वास गरिएको छ।

गायक गुरुङले ‘हिम घोडा’ मार्फत आफ्नो पुनरागमन मात्र नभई नेपाली संगीत क्षेत्रमा नयाँ ऊर्जा र उत्साह थप्ने अपेक्षा गरिएको छ। उनको गीत, संगीतमा मनाङको संस्कृति, संस्कार र प्राकृतिक सौन्दर्य समावेश भएको पाइन्छ।–रासस

प्रकाशित मिति: बिहीबार, वैशाख १७, २०८३ ०६:१७

प्रतिक्रिया दिनुहोस्