मर्मत भएन पोखरा–बागलुङ सडकको सय मिटर बाटो

विचार

गृहपृष्ठ
विचार

मर्मत भएन पोखरा–बागलुङ सडकको सय मिटर बाटो

क्यापिटल नेपालबुधबार, असार १३, २०८०

पोखरा। पोखरा–बागलुङ सडकको काँडे तलको बाटो बिग्रिएको एक साता हुँदासमेत निर्माण भएको छैन। २ वर्षदेखि सडक छेउमा खनेको खाल्डो र वर्षातले सडक एक सातादेखि बिग्रिएपछि मर्मत नहुँदा यात्रुले सास्ती खेपेका छन्।

पोखरा हुँदै बागलुङ, बुर्तिबाङ, बेनी, मुस्ताङलगायतका स्थानमा जाने यात्रुहरुले जम्मा सय मिटर बाटो निर्माण नहुँदा दुःख पाएका हुन्। सो सडक खण्डमा गएको साता परेको पानीले बाटो बिगारेको थियो।

एक सातासम्म सय मिटर बाटो बनेको छैन, बेनीबाट काठमाडौं हिडेका कृष्ण शर्माले भने, बिरामी, विद्यार्थी, विदेश जानेहरुको समय यतै बितेको उनले बताए।

मुख्य सडकको सय मिटर बाटो मर्मत नहुँदा दैनिक सयौं यात्रुलाई सास्ती हुँदा पनि स्थानिय तहदेखि सडक विभाग पोखराले समेत चासो नदेखाएको अर्काे यात्रु निलेश राजभण्डारीले आक्रोश पोखे।

प्रकाशित मिति: बुधबार, असार १३, २०८० १६:३२

प्रतिक्रिया दिनुहोस्