साना किसान लघुवित्तमा नयाँ नेतृत्व, अध्यक्षमा पाठक

सहकारी

गृहपृष्ठ
सहकारी

साना किसान लघुवित्तमा नयाँ नेतृत्व, अध्यक्षमा पाठक

क्यापिटल नेपाल सोमबार, माघ १, २०८०

काठमाडौं। साना किसान विकास लघुवित्त वित्तीय संस्थाको अध्यक्षमा खेमबहादुर पाठक चयन भएका छन्। भक्तपुरस्थित बोडेमा रहेको कृषि विकास बैंकको तालिम केन्द्रमा सम्पन्न संस्थाको २२औं वार्षिक साधारणसभाबाट पाठक ४ वर्षका लागि अध्यक्षमा चयन भएका हुन्।

नयाँ नेतृत्वका लागि ६ जना सञ्चालक निर्वाचित भएपछि बसेको पहिलो बैठकले पाठकलाई लघुवित्त अध्यक्षमा चयन गरेको हो।
संस्था सञ्चालकमा डा. बाबुकाजी थापा, समता पन्त, सुखदेव न्यौपाने, उमेश लम्साल र भीमप्रसाद पन्त निर्वाचित भएका छन्।

ग्रामीण क्षेत्रमा रहेका साना किसान कृषि सहकारी संस्था, लघुवित्त संस्था र समान प्रकृतिका संस्थामार्फत थोक कर्जाप्रदायक संस्थाका रुपमा रहेको साना किसान विकास लघुवित्त र आरएमडीसी लघुवित्त गत असार २४ मा मर्ज भएका थिए ।

७७ जिल्लामै सेवा पुगेको संस्थाको चुक्ता पुँजी ३ अर्ब ३३ करोड १६ लाख १८ हजार २ सय ४ रुपैयाँ पुगेको छ। ५ सय ४६ वटा स्थानीय तहमा सञ्जाल विस्तार गरी १ हजार ६ सय ३६ साझेदार संस्थामार्फत १० लाख २९ हजार ८ सय ७५ परिवारमा वित्तीय संस्थाको पहुँच पुगेको बताइएको छ।

प्रकाशित मिति: सोमबार, माघ १, २०८० ०८:४१

प्रतिक्रिया दिनुहोस्