अमेरिकी वायु सेनाको विमान दुर्घटनाग्रस्त, आठ जनाको मृत्यु

अन्तर्राष्ट्रिय

गृहपृष्ठ
अन्तर्राष्ट्रिय

अमेरिकी वायु सेनाको विमान दुर्घटनाग्रस्त, आठ जनाको मृत्यु

क्यापिटल नेपाल मंगलबार, असार २, २०८३

काठमाडौं। अमेरिकाको दक्षिणी क्यालिफोर्नियास्थित एडवर्ड्स एयर फोर्स बेसबाट उडेको केही समयमै अमेरिकी वायु सेनाको बी–५२ बमवर्षक विमान दुर्घटनाग्रस्त हुँदा आठ जनाको मृत्यु भएको छ।

स्थानीय समयअनुसार सोमबार बिहान ११ः२० बजे नियमित परीक्षण उडानमा रहेको विमान दुर्घटनामा परेको हो। दुर्घटनापछि आकाशमा कालो धुवाँको ठूलो मुस्लो उठेको थियो, जुन धेरै माइल टाढाबाट समेत देखिएको बताइएको छ।

कर्नेल जेम्स हेजले सञ्चारकर्मीसँग कुरा गर्दै भने, “आज एडवर्ड्स एयर फोर्स बेसले एक दुःखद् त्रासदी भोगेको छ र हामीले आठ जना उत्कृष्ट अमेरिकी नागरिक गुमाएका छौँ।”

उनका अनुसार मृत्यु हुनेहरूमा सैन्यकर्मी, सरकारी कर्मचारी तथा सरकारी ठेक्कामा कार्यरत व्यक्तिहरू रहेका छन्।

यसअघि एयर फोर्स बेसले प्रारम्भिक संकेतका आधारमा दुर्घटनामा परेकामध्ये कोही पनि जीवित बच्न नसकेको जनाएको थियो।

हेजले प्रारम्भिक भिडियो फुटेजको समीक्षा पछि यो दुर्घटनालाई “मलबा पूर्ण रूपमा क्षतिग्रस्त भएको र कसैको पनि जीवित उद्धार सम्भव नदेखिएको” घटनाका रूपमा हेरिएको बताए।

उनले मृतकका परिवारलाई जानकारी गराउने प्रक्रिया जारी रहेको र परिवारलाई सूचना दिएपछि २४ घण्टाभित्र मृतकहरूको पहिचान सार्वजनिक गरिने जानकारी दिए।

प्रकाशित मिति: मंगलबार, असार २, २०८३ ०७:४४

प्रतिक्रिया दिनुहोस्