घोराही सिमेन्ट नोक्सानीमा रहेको वित्तीय विवरण सार्वजनिक

उद्योग

गृहपृष्ठ
उद्योग

घोराही सिमेन्ट नोक्सानीमा रहेको वित्तीय विवरण सार्वजनिक

क्यापिटल नेपाल बुधबार, फागुन २, २०८०

काठमाडौं। घोराही सिमेन्टले चालू आर्थिक वर्षको दोस्रो त्रैमाससम्म ४१ करोड ८४ लाख ३८ हजार रुपैयाँ नोक्सानीमा रहेको वित्तीय विवरण सार्वजनिक गरेको छ।

कम्पनीले गत वर्षको यसै अवधिमा १ करोड ५४ लाख ४३ हजार रुपैयाँ खुद नाफा कमाएको थियो। कम्पनीले उत्पादन बिक्रीबाट हुने आम्दानीमा केही वृद्धि भएको जनाएको छ। कम्पनीको अन्य आम्दानी घटेको छ भने बिक्री लागत र वित्तीय लागतमा वृद्धि हुँदा नोक्सानीमा गएको हो।

कम्पनीका अनुसार सिमेन्ट बिक्रीबाट १.४० प्रतिशतले आम्दानी वृद्धि गरी १ अर्ब ७१ करोड २४ लाख रुपैयाँ पुगेको छ। विवरणअनुसार अन्य आम्दानी १० करोडबाट घटेर ११ लाख रुपैयाँमा सीमित भएको छ भने वित्तीय लागत १९ करोडबाट बढेर २६ करोड पुगेको छ।

प्रकाशित मिति: बुधबार, फागुन २, २०८० ११:४०

प्रतिक्रिया दिनुहोस्