टेलिकमभन्दा ७९ लाख ९९ हजार बढी कबाेलेर एनसेलले पायो ११ मेगाहर्ज फ्रिक्वेन्सी

प्रविधि

गृहपृष्ठ
प्रविधि

टेलिकमभन्दा ७९ लाख ९९ हजार बढी कबाेलेर एनसेलले पायो ११ मेगाहर्ज फ्रिक्वेन्सी

युजु खालिङ बुधबार, पुस २, २०७६

काठमाडौं । नेपाल दूरसञ्चार प्राधिकरणको १८०० ब्याण्ड मेगाहर्जको फ्रिक्वेन्सी अक्सनमा एनसेल प्राइभेट लिमिटेडले बाजी मारेको छ । काठमाडौंको सोल्टी क्राउन प्लाजामा भएको खुल्ला अक्सनको तेस्रो राउण्डमा एनसेलले ५ करोड ८० लाख रुपैयाँ रकम कबोल गरेर १८०० ब्याण्डभित्रको ११ मेगाहर्ज फ्रिक्वेन्सी प्राप्त गरेको हो । तेस्रो तथा अन्तिम चरणमा सोहि फ्रिक्वेन्सीको लागि नेपाल टेलिकमले भने ५ करोड १ हजार रुपैयाँ मात्रै कबोल गरेको थियो ।

अक्सनमा एनसेलले पहिलो चरणदेखि नै नेपाल टेलिकमभन्दा बढी कबोल गरेको थियो । उक्त बोलकबोलको पहिलो चरणमा नेपाल टेलिकमले ३ करोड ७८ लाख र एनसेलले ३ करोड ९६ लाख रुपैयाँको बोली राखेको थियो । दोस्रो चरणमा नेपाल टेलिकमले ४ करोड २० लाख रुपैयाँ र एनसेलले ४ करोड ३२ लाख रुपैयाँको बोली लगाएको थियो ।

तेस्रो चरणमा टेलिकमले ५ करोड १ हजार रुपैयाँ र एनसेलले ५ करोड ८० लाख रुपैयाँको बोली लगाएर उक्त फ्रिक्वेन्सी प्राप्त गरेको हो । अब तीन चरणमा नै बढी कबोल गरेको एनसेलले १८०० मेगाहर्ज ब्याण्डभित्रको ११ मेगाहर्ज फ्रिक्वेन्सी प्राप्त गर्नेछ ।

तर प्राधिकरणले तय गरेको शर्त अनुसार एनसेलले हालसम्म बुझाउनु पर्ने पुँजीगत लाभकर भने बुझाएको छैन । प्राधिकरणका प्रवक्ता मीनप्रसाद अर्याल एनसेललाई रकम बुझाउने शर्तमा अक्सन प्रक्रियामा समावेश गरिएको बताउँछन् । ‘एनसेले फ्रिक्वेन्सी प्राप्त गर्नअघि लाभ कर बुझाएको डकुमेन्ट प्राधिकरणमा बुझाएपछि मात्र फ्रिक्वेन्सी आधिकारिक रुपमा हस्तान्तरण गर्ने छौं । नबुझाएको खण्डमा त्यो खारेज हुनेछ ’ प्राधिकरणका सूचना अधिकारी सन्दिप अधिकारीले भने ।

एनसेलको सेयर बिक्री गर्दा लाभकर, राजस्व तथा सोको ब्याज समेत गरी २२ अर्ब ४४ करोड रुपैयाँ बुझाउनु पर्ने छ ।

याे पनि पढ्नुहाेस्

१८ सय ब्याण्ड मेगाहर्ज पाउन एनसेलले तिर्ला त लाभ कर ?, एनसेल भन्छ : लाभकर तिर्ने निर्णय भएको छैन

प्रकाशित मिति: बुधबार, पुस २, २०७६ १३:०८

प्रतिक्रिया दिनुहोस्