कोरोनाले ओरालो लागेका पर्वतका ९१ उद्योग बन्द

उद्योग

गृहपृष्ठ
उद्योग

कोरोनाले ओरालो लागेका पर्वतका ९१ उद्योग बन्द

क्यापिटल नेपालबिहीबार, वैशाख २७, २०८१

पर्वत। कोरोना महामारीसँगै आर्थिकमन्दीमा परेका पर्वतका ९१ साना उद्योग अन्ततः बन्द भएका छन्। चालू आर्थिक वर्षको चैत मसान्तसम्ममा १६२ वटा उद्योग, व्यवसाय फर्म दर्ता भएकामा ९१ वटा बन्द भएका पर्यटन तथा उद्योग कार्यालयका प्रमुख अशोककुमार नेपालीले जानकारी दिए।

चालू आवको चैत मसान्तसम्म ८० वटा नयाँ उद्योग दर्ता भएका छन्। ८० वटा नयाँ उद्योग तथा व्यवसाय दर्ता भएका हुन्। आर्थिकमन्दी, युवा शक्तिको बढ्दो पलायन, आयातित वस्तुसँग प्रतिस्पर्धा गर्न नसक्नु, बजार अभावलगायत कारण उद्योग विस्थापित हुने क्रम बढेको कार्यालय प्रमुख नेपालीले बताए। पर्वतमा अघिल्लो आवमा ९२ वटा उद्योग खारेज भएका थिए भने २७४ वटा व्यवसाय दर्ता भएका थिए।

कार्यालय प्रमुख नेपालीका अनुसार कृषि, पशुपन्छी फार्म, फलफूल खेती, गाईपालन, भैँसीपालन, व्यावसायिक बाख्रापालनलगायत अन्य घरेलु उत्पादनका उद्योग दर्ता गर्ने क्रम बढ्दै गएको छ।

यसैबीच, उक्त कार्यालयले उद्योगको दिगोपनाका लागि २३ उद्योगीलाई प्रविधि र उपकरण सहयोग गर्ने भएको छ। पर्यटन पूर्वाधार विकास कार्यक्रमतर्फ यस वर्ष ५६ वटा योजना रहेकामा १९ वटा योजना सम्पन्न भएको र बाँकी योजना कार्यान्वयनको चरणमा रहेका कार्यालय प्रमुख नेपालीले बताए। रासस

प्रकाशित मिति: बिहीबार, वैशाख २७, २०८१ १२:४९

प्रतिक्रिया दिनुहोस्