यूटीएललाई साढे ७ अर्ब बक्यौता बुझाउन दूरसञ्चार प्राधिकरणको ताकेता

प्रविधि

गृहपृष्ठ
प्रविधि

यूटीएललाई साढे ७ अर्ब बक्यौता बुझाउन दूरसञ्चार प्राधिकरणको ताकेता

क्यापिटल नेपाल शुक्रबार, जेठ २५, २०८१

काठमाडौं। नेपाल दूरसञ्चार प्राधिकरणले यूटीएल टेलिकमलाई साढे ७ अर्ब बुझाउन ताकेता गरेको छ। प्राधिकरणले यूटीएललाई २०८१ जेठ मसान्तसम्मको बक्यौता ७ अर्ब ४२ करोड ९३ लाख ९१ हजार रुपैयाँ बुझाउन आग्रह गरेको हो।

प्राधिकरणले १५ दिनभित्र बक्यौता दाखिला नगरे अनुमतिपत्र खारेजी प्रक्रिया अगाडि बढाइने उल्लेख छ। यूटीएलको नाममा २० भदौ २०७३ मा आधारभूत टेलिफोन सेवाको अनुमतिपत्र जारी भएको थियो।

तर, यूटीएलले अनुमतिपत्रको शर्त बमोजिम दूरसञ्चार सेवा सञ्चालन गरेबापत प्राधिकरणलाई नियमानुसार तिर्न÷बुझाउनुपर्ने अनुमतिपत्र नवीकरण दस्तुरबापतको किस्ता रकम, फ्रिक्वेन्सी, रोयल्टी, ग्रामीण दूरसञ्चार विकास कोषलगायतको बक्यौता बुझाएको छैन।

बक्यौता नतिरेको भन्दै प्राधिकरणले कम्पनीको लाइसेन्स खारेजी प्रक्रिया अगाडि बढाएको थियो। त्यसपछि यूटीएल अदालत गएको थियो।

यूटीएलले २०७४ वैशाखमा मध्यपहाडी लोकमार्ग अन्तर्गत गण्डकी र लुम्बिनी प्रदेशमा अप्टिकल फाइबर ब्याकबोन निर्माण गर्ने ठेक्का पाए पनि सो परियोजनामा हालसम्म काम गरेको थिएन।

गत माघमा सर्वोच्चले यूटीएलको तर्फबाट दायर रिट खारेज गरिदिएपछि बन्दी अवस्थामा रहेको सूचना महामार्गको परियोजना खुला भएको छ।

प्रकाशित मिति: शुक्रबार, जेठ २५, २०८१ १२:३४

प्रतिक्रिया दिनुहोस्