टाइगर प्यालेस रिसोर्ट नयाँ व्यवस्थापनले जिम्मा लिएको एक वर्ष पूरा, तीन उद्देश्य सार्वजनिक

पर्यटन

गृहपृष्ठ
पर्यटन

टाइगर प्यालेस रिसोर्ट नयाँ व्यवस्थापनले जिम्मा लिएको एक वर्ष पूरा, तीन उद्देश्य सार्वजनिक

क्यापिटल नेपाल मंगलबार, भदौ १८, २०८१

काठमाडौं। रुपन्देहीको तिलोत्तमा नगरपालिका–१५ स्थित पाँचतारे टाइगर प्यालेस रिसोर्ट नयाँ व्यवस्थापनले सञ्चालनमा ल्याएको एक वर्ष पुगेको छ। आइतबार टाइगर प्यालेस रिसोर्ट नयाँ व्यवस्थापनले सञ्चालनमा ल्याएको एक वर्ष पुगेको हो। यस अवसरमा रिसोर्टले सोमबार कार्यक्रम आयोजना गरेर तीनवटा महत्वपूर्ण उद्देश्य सार्वजनिक गरेको थियो।

आगामी दिनमा आफ्ना सेवालाई नयाँ दिशा प्रदान गरेर अन्तर्राष्ट्रियस्तरको ख्याती प्राप्त रिसोर्ट बनाउन यस्ता उद्देश्य सार्वजनिक गरिएको जनाएको छ। पहिलो वर्ष रिसोर्टलाई पूर्ण सञ्चालनका लागि आवश्यक तयारीमा बिताएको व्यवस्थापनले व्यवस्थापन, कर्मचारी र समुदायको सहकार्यमा आगामी वर्ष उपलब्धीपूर्ण बनाउने जनाएको छ। त्यसका लागि कर्मचारीलाई उत्साहित तुल्याएर समुदायसित सहकार्य गरिने व्यवस्थापनले जनाएको छ।नयाँ व्यवस्थापनले सञ्चालनमा ल्याएको एक वर्ष पुगेको उपलक्ष्यमा सोमबार ‘सेलिब्रेटिङ आवर टाइगर’ शीर्षमा कार्यक्रम आयोजना गरिएको थियो।

रिसोर्टका प्रमुख कार्यकारी अधिकृत (सीईओ) दीपक लेखकले आन्तरिक बृत्तिविकास अन्तर्गत रिसोर्टले कर्मचारीको क्षमता बृद्धि जोड दिने जनाए। रिसोर्टले सोमबार परिसरमा एक सय विभिन्न जातका बिरुवा रोपेको थियो। सीईओ लेखकले रिसोर्टमा कार्वन उत्सर्जन हुने वस्तुको प्रयोग शून्य बनाउने र हरियाली बढाएर वातावरण संरक्षणमा टेवा पुर्याउने बताए। ‘आगामी केही वर्षभित्रै रिसोर्टले कार्वन उत्र्सजन हुने बस्तु शुन्य बनाउँदैं लैजानेछ,’ उनले भने, ‘प्रत्येक वर्ष एक सय बिरुवा रोप्नेछौं भने होटलमा विद्युतीय गाडीको मात्रै प्रयोग गरिनेछ।’

प्रकाशित मिति: मंगलबार, भदौ १८, २०८१ ११:०४

प्रतिक्रिया दिनुहोस्