एमजी कार निर्माता एसएआइसीले सिएलटिएलसँग ब्याट्री स्वाप गर्ने सम्झौता

अटो

गृहपृष्ठ
अटो

एमजी कार निर्माता एसएआइसीले सिएलटिएलसँग ब्याट्री स्वाप गर्ने सम्झौता

क्यापिटल नेपाल आइतबार, पुस २८, २०८१

काठमाडौं। एमजी कार निर्माता एसएआइसीले संसारको सबैभन्दा ठूलो ब्याट्री निर्माता कम्पनी सिएटिएलसँग ब्याट्री स्वाप गर्ने सम्झौता गरेको छ। जनवरी १० मा सिएलटिएलका अध्यक्ष रोबिन जेंग र एसएआइसीका अध्यक्ष वाङ शियाओकियुले फिजियान प्रान्तको निङडे शहरमा अवस्थित सिएलटिएलको कार्यलयमा सहकार्य सम्झौतामा हस्ताक्षर गरेका हुन्।

भविष्यमा एसएआइसीले सिएलटिएलको चोको एसइबी स्वाप स्टेसनसँग अनुकुल हुने ईभी बनाउने छ। यस सम्झौतासँगै एसएआइसीले आफ्नो ब्याट्री स्वाप नेटवर्कको पूर्ण रुपमा परित्याग गर्ने जनाएको छ।

एसएआइसीले स्वाप गर्न मिल्ने ब्याट्री भएका इलेक्ट्रिक गाडीको विकास र बिक्रीमा ध्यान दिनेछ भने सिएटिएलले मानक ब्याट्री स्वापको विकासको जिम्मेवारी लिनेछ।

सिएटिएलले २०२२ मा आफ्नो ब्याट्री स्वाप नेटवर्कको विकास सुरू गरेको थियो। जसले पहिलो पुस्ताको चोको एसईभी (स्वापिङ इलेक्ट्रिक ब्लक) ब्याट्री सार्वजनिक गरेको थियो। २०२४ को अन्त्यमा सिएटिएलले दोस्रो पुस्ताको चोको एसईबी जारी गर्यो। यी ब्याट्री २०३ र २५३ प्याकमा उपलब्ध छन्। तिनीहरूको क्षमता ४२ देखि ७० किलोवाट आवरबीचको छ। जसले ६०० किलोमिटरसम्मको रेन्ज दिनेछ।

सिएटिएलले चीनमा निर्माण गर्ने योजना बनाएको ब्याट्री स्वाप स्टेसन ३० वटा ब्याट्री कम्पार्टमेन्ट राख्न सकिने छ। दैनिक क्षमता ८२२ स्वाप्स हुनेछ। जसको तुलना एनआइओको ४ जेनेरेसन पिएसएस (पावर स्वाप स्टेसन)को ४८० स्वाप्स प्रतिदिन गर्न सकिन्छ। कम्पनीले २०२५ मा एक हजार स्वाप स्टेसन निर्माण गर्ने लक्ष्य राखेको छ। अन्तिम चरणमा ३० हजार स्वाप स्टेसन निर्माण गर्ने लक्ष्य राखेको छ।

प्रकाशित मिति: आइतबार, पुस २८, २०८१ १७:५६

प्रतिक्रिया दिनुहोस्