कांग्रेस नेता प्रमोद यादवले किने विशाल सिमेन्ट, भुसाल ग्रुप बाहिरियो

उद्योग

गृहपृष्ठ
उद्योग

कांग्रेस नेता प्रमोद यादवले किने विशाल सिमेन्ट, भुसाल ग्रुप बाहिरियो

क्यापिटल नेपाल सोमबार, माघ २१, २०८१

काठमाडौं। नेपाली कांग्रेसका नेता एवं व्यवसायी प्रमोद यादवले विशाल सिमेन्ट खरिद गरेका छन्।

भैरहवा क्षेत्रमा घर बनाउने ब्लक र चारतारे होटल बोधि सञ्चालन गर्दै आएका व्यवसायी यादवले भुसाल ग्रुप स्वामित्वको विशाल सिमेन्ट खरिद गरेका हुन्। योसँगै चार वर्षपछि भुसाल ग्रुप विशाल सिमेन्टबाट बाहिरिएको छ।

सिमेन्ट खरिद गर्ने यादव २०७४ सालको निर्वाचनमा रुपन्देही क्षेत्र नम्बर ४ बाट प्रतिनिधिसभामा सदस्यमा निर्वाचित भएका थिए।

२०७७ सालमा भुसाल ग्रुपले विशाल सिमेन्ट खरिद गरेको थियो। अपेक्षाअनुसारको व्यापार गर्न नसकेपछि सिमेन्टको सम्पूर्ण स्वामित्व बिक्री गरिएको भुसाल ग्रुपका कार्यकारी निर्देशक अंकित भुसाले पुष्टि गरे।

सिमेन्ट व्यापारबाट बाहिरिएका छौं‘, कार्यकारी निर्देशक भुसालले भने, कति रकममा बिक्री भयो भन्ने अहिले खुलाउन मिल्दैन। ग्रुपले ४ वर्ष अगाडि १ अर्ब रकममा सिमेन्टको स्वामित्व लिएको थियो।

विशाल सिमेन्ट सन् २०१० मा स्थापना भएको हो। उद्योगको रुपन्देहीको मियानिहियास्थित फ्याक्ट्रीमा अहिले प्रतिदिन ८ सय टन सिमेन्ट उत्पादन क्षमता छ।

475384632_3846797392229111_3734244889209402467_n-1738583512.jpg