नथिङ फोन थ्रिए सेरिज नेपाली बजारमा लन्च, यस्ता छन् फिचर

प्रविधि

गृहपृष्ठ
प्रविधि

नथिङ फोन थ्रिए सेरिज नेपाली बजारमा लन्च, यस्ता छन् फिचर

क्यापिटल नेपाल मंगलबार, फागुन २७, २०८१

काठमाडौं। विश्व बजारमा लन्च गरिएको नथिङ फोन थ्रिए सेरिज नेपाली बजारमा आएको छ। चौधरीसमूह अन्तर्गतको सिजी टेलिकमले नेपाली बजारमा नथिङ फोन थ्रि ए सेरिज लन्च गरेको हो।

विश्व बजारमा हटकेक सावित भएको फोनले नेपाली बजारमा पनि उपभोक्ताको अत्याधिक राम्रो आकर्षण प्राप्त गर्न सफल भएको कम्पनीले जनाएको छ। गएको मार्च ५ तारिकदेखि प्रिबुकिङ सुरु गरिएको सो फोनको प्रिबुकिङ दोस्रो दिन नै बन्द गरिएको थियो। लिमिटेड स्टकमा दिएको एक्साईटिङ प्रिबुकिङ अफरमा उपभोक्ताको अत्याधिक आकर्षण बढेकाले अवधी नसकिंदैं प्रिबुकिङ रोक्नुपरेको सिजी मोबाइलका महाप्रबन्धक विनय जोशीले बताए।

नथिङ टेक इन्थ्युजियास्टको सर्बाधिक प्रिय स्मार्टफोन ब्राण्ड हो। स्मार्ट फोन डिजाइन निक्कै बोरिङ् भए यसलाई नयाँ डिजाइन ल्याङ्ग्वेजमा नयाँ तरिकाले रिडिजाइन गर्न आवश्यक रहेको उल्लेख गर्दै नथिङका संस्थापक कार्ल पेईले आफ्नो पहिलो स्मार्टफोन फोन वान लाई प्रिमियम लुक्स र डिजाइनमा विश्व बजारमा सन् २०२२ मा उतारेका थिए।

जसको आम उपभोक्ताले खुलेर प्रसंसा गरेसँगै नथिङ विश्व बजारमा इन्नोभेटिभ स्मार्टफोनको रुपमा सहजै स्थापित भएको कम्पनीले जनाएको छ। हालै नेपाली बजारमा उपलब्ध भएको नथिङ फोन थ्रि ए डिजाइन थप प्रिमियम देखिएको छ। फोनको पछिल्लो भागमा थपिएको एउटा क्यामेराले फोनको डिजाइनलाई अझ उत्कृष्ठ देखाएको छ िअघिल्लो सेरिजमा प्रयोग गरिएको ट्रान्सप्यारेन्ट प्लास्टिक ब्याक प्यानललाई ग्लास ब्याक प्यानलले प्रतिस्थापन गर्दा फोन अझ बढी प्रिमियम र क्लासी फिल भएको कम्पनीले बताएको।

सो स्मार्टफोनमा ५ हजार मिलिएम्पीयरको ब्याट्री र ५० वाटको वायरलेस चार्जिङको कम्विनेसनमा १२० हर्ज रिफ्रेस रेट भएको एमोलेड डिस्प्ले प्रदान गरिएको छ। चारै तिर समान र निक्कै कम बेजल भएको यो डिस्प्लेले बजारमा प्रचलनमा रहेका कुनै पनि फ्ल्यागसिप स्मार्टफोनको डिस्प्लेसँग सजिलै प्रतिस्पर्धा गर्न सक्षम रहेको कम्पनीको दाबी छ। ३२ मेगापिक्सेलको सेल्फि क्यामेरा, ५० मेगापिक्सेलको मेन क्यामेरा, ५० मेगापिक्सेलकै टेलिफोटो क्यामेरा र ८ मेगापिक्सेलको अल्ट्रावाईड क्यामेरा भएको नथिङ फोन थ्रि ए ले खिच्ने फोटो निक्कै क्रिप्स, क्लियर र नेचुरल हुन्छ। फोर के भिडियो खिच्न सक्ने नथिङ फोन थ्रि एमा दिइएको अप्टिकल इमेज स्टेबलाईजरका कारण खिचिएको भिडियो प्रोफेसनल क्वालिटीको हुन्छ।