नेपाल बैंकर्स संघले विविध कार्यक्रमसहित मनायो ग्लोबल मनी विक

बैंकिङ

गृहपृष्ठ
बैंकिङ

नेपाल बैंकर्स संघले विविध कार्यक्रमसहित मनायो ग्लोबल मनी विक

क्यापिटल नेपाल शुक्रबार, चैत ८, २०८१

काठमाडौं। नेपाल बैंकर्स संघ, बागमती प्रदेश (चितवन) समितिले हरेक वर्ष राष्ट्र बैंकको संयोजनमा मार्च १७ देखि २३ सम्म साताव्यापी रुपमा मनाइने ग्लोबल मनी विक–२०२५ विभिन्न कार्यक्रमसहित मनाएको छ।

थिंक बिफर यु फलो, वाइज् मनी टुमरो’ नारासहित संघले विभिन्न कार्यक्रम आयोेजना गरी मनाएको हो।

क, ख, ग वर्गका विभिन्न बैंक तथा वित्तीय संस्थाको सहभागितामा युवामा वित्तीय साक्षरता र सचेतना बढाउने उद्देश्यसहित बृहत र्‍याली आयोजना गरिएको थियो।

वित्तीय साक्षरता प्रवर्द्धन र पहुँच विस्तारसँगै वित्तीय सेवाका आधारभूत पक्षबारे सचेतना अभिवृद्धि गर्ने विभिन्न कार्यक्रम आयोेजना गरिएको संघले जनाएको छ।

बढ्दो डिजिटल प्रविधि प्रयोग, त्यसले निम्ताएको चुनौती सामनाका साथै युवा पुस्तामाझ वित्तीय चेतना अभिवृद्धि गर्न यस्ता कार्यक्रम महत्त्वपूर्ण हुने संघको भनाइ छ।

प्रकाशित मिति: शुक्रबार, चैत ८, २०८१ १७:३८

प्रतिक्रिया दिनुहोस्