सहकारी ठगीको आरोपपछि सर्वोच्च माग्यो जोशीलाई थुनामा राख्नुको कारण

सहकारी

गृहपृष्ठ
सहकारी

सहकारी ठगीको आरोपपछि सर्वोच्च माग्यो जोशीलाई थुनामा राख्नुको कारण

क्यापिटल नेपाल मंगलबार, वैशाख २, २०८२

काठमाडौं। सर्वोच्च अदालतले सहकारी ठगीको आरोपमा पूर्वडीआईजी छविलाल जोशीलाई थुनामा पठाउनुको कारण माग गरेको छ। सर्वोच्चले उच्च अदालत तुलसीपुरको बुटवल इजलासको नाममा आदेश दिएका हो।

न्यायाधीश विनोद शर्माको इजलासले जोशीलाई मुद्दाको पुर्पक्षका लागि थुनामा पठाउने आदेशको कैफियत प्रतिवेदन मगाउन आदेश दिएको हो।

उच्च अदालत तुलसीपुरको बुटवल इजलासले गत साता राष्ट्रिय स्वतन्त्र पार्टी (रास्वपा)का सभापतिसमेत रहेका रवि लामिछाने र जोशीलाई थुनामा पठाउन आदेश दिएको हो।

बुटवलको सुप्रिम सहकारी ठगी प्रकरणका आरोपित जोशीले उच्च अदालतको आदेश बदर हुनुपर्ने माग राखी सर्वोच्चमा निवेदन दिएका थिए। सुप्रिम सहकारी ठगी प्रकरणमा पक्राउ परेयता जोशी थुनामा छन्।

प्रकाशित मिति: मंगलबार, वैशाख २, २०८२ १७:३१

प्रतिक्रिया दिनुहोस्