गीतकार सुन्दर राजभण्डारीको म्युजिक भिडियो बदमास सार्वजनिक

कला / साहित्य

गृहपृष्ठ
कला / साहित्य

गीतकार सुन्दर राजभण्डारीको म्युजिक भिडियो बदमास सार्वजनिक

क्यापिटल नेपालबिहीबार, वैशाख ४, २०८२

काठमाडौं। गीतकार सुन्दर राजभण्डारीको म्युजिक भिडियो बदमास सार्वजनिक भएको छ। नाम्लो इभेन्ट्सको प्रस्तुतिमा बनेको यस म्युजिक भिडियो बुधबार काठमाडौंमा आयोजना गरिएको एक कार्यक्रममा सार्वजनिक गरिएको हो।

नेपाली साङ्गीतिक क्षेत्रका विशिष्ट सङ्गीतकर्मी न्ह्यू बज्राचार्यले सङ्गीत दिएको यस गीतमा गायिका मेनुका पौडेलको सशक्त स्वर सुन्न सकिन्छ। जसका निर्माता तथा गीतकार सुन्दरराज भण्डारी हुन्।

एरेन्जरको रूपमा गोपाल रसाइली, कार्यकारी निर्माताको रूपमा विक्रान्त मान श्रेष्ठ रहेका छन्। यसको भिडियो निर्देशन बिमलेश अधिकारीले गरेका छन्। जसले सयौँ म्युजिक भिडियो र दर्जनौँ चलचित्रमा अभिनय गरिसकेका छन्। अधिकारीले निर्देशन गरेको यो पाँचौँ म्युजिक भिडियो हो।

भिडियोमा अभिनेत्री सनिषा भट्टराई र अभिनेता विजु पार्कीको अभिनय रहेको छ। कोरियोग्राफी करण शाहले गरेका हुन् भने छायाङ्कन हरि हुमागाईँले, सम्पादन प्रवीण मानन्धरले र प्रोडक्सन व्यवस्थापन दिपेन गौतम ‘माइकल’ले सम्हालेका छन्।