४५ संस्थानमा सरकारको ७ खर्ब लगानी

अर्थतन्त्र

क्यापिटल नेपालबिहीबार, जेठ १५, २०८२

काठमाडौं। आर्थिक वर्ष २०८०/८१ सम्म सार्वजनिक संस्थानमा सरकारको लगानी ७ खर्ब ३ अर्ब ९३ करोड रुपैयाँ पुगेको छ।

आज उपप्रधान तथा अर्थमन्त्री विष्णुप्रसाद पौडेलले प्रतिनिधिसभामा पेस गरेको ‘सार्वजनिक संस्थानको वार्षिक स्थिति समीक्षा, २०८२’ मा यस्तो देखिएको हो।

हाल ४५ वटा सार्वजनिक संस्था सञ्चालनमा छन्‌। यीमध्ये २० वटा पूर्ण सरकारी स्वामित्वका र २५ वटामा सरकारको अधिकांश स्वामित्व छ।

आर्थिक वर्ष २०८०/८१ मा सार्वजनिक संस्थानको कुल सम्पत्ति अघिल्लो आर्थिक वर्षभन्दा २.०२ प्रतिशतले बढेर २९ खर्ब १० अर्ब १७ पुगेको छ।

सार्वजनिक संस्थानमा सरकारको कुल लगानी ५.८६ प्रतिशतले वृद्धि भएर ७ खर्ब ३ अर्ब ९३ करोड रुपैयाँ पुगेको छ।

यी संस्थानमा सरकारको सेयर लगानी तीन खर्ब ६४ अर्ब ८६ करोड र ऋण लगानी तीन खर्ब ३९ अर्ब सात करोड रुपैयाँ रहेको अर्थमन्त्रीले बताए।

प्रकाशित मिति: बिहीबार, जेठ १५, २०८२ १४:२९

प्रतिक्रिया दिनुहोस्

ताजा समाचार

लोकप्रिय