साढे ३ घन्टा देखियो यस वर्षको पहिलो खग्रास चन्द्रग्रहण

प्रविधि

गृहपृष्ठ
प्रविधि

साढे ३ घन्टा देखियो यस वर्षको पहिलो खग्रास चन्द्रग्रहण

क्यापिटल नेपाल सोमबार, भदौ २३, २०८२

काठमाडौं। भाद्र शुक्ल पूर्णिमाका दिन आइतबार राती खग्रास (पूरै ढाकिने) चन्द्रग्रहण लागेको छ।

नेपाल पञ्चांग निर्णायक विकास समितिका अनुसार ग्रहणले आइतबार राती १० बजेर ११ मिनेटमा स्पर्श गरेको थियो। राती ११ः५६ मा चन्द्रग्रहणको मध्यराती ०१ः४१ बजे ग्रहण सकिएको थियो।

समिति अध्यक्ष प्रा शम्भुप्रसाद ढकालले साढे तीन घन्टा काठमाडौंबाट चन्द्रग्रहण देखिएको जानकारी दिए।

नेपालमा पूर्व र आग्नेयका बीचबाट चन्द्रग्रहणले १०ः११ बजे स्पर्श गरेको र नैऋत्य र पश्चिमबाट राति ०१ः४१ बजे अन्त्य भएको पनि उनले बताए। पृथ्वीले सूर्यलाई पूर्णरुपमा छेक्दा पूरा चन्द्रमा ढाकिने अवस्था नै खग्रास चन्द्रग्रहण हो।

पृथ्वी, सूर्य र चन्द्रमा एउटै सूत्रमा पर्दा पृथ्वीको छाया चन्द्रमामा पर्नु नै चन्द्रग्रहण हो। यो ग्रहण नेपालबाट देखिने २०८२ को पहिलो ग्रहण हो।

यसै वर्ष आगामी फाल्गुन शुक्ल पूर्णिमामा पनि खण्डग्रास चन्द्रग्रहण लाग्ने समितिले जनाएको छ। चन्द्रग्रहण पूर्णिमा र सूर्यग्रहण औँसी तिथिमा लाग्ने गर्छ।

प्रकाशित मिति: सोमबार, भदौ २३, २०८२ ०८:०३

प्रतिक्रिया दिनुहोस्