काठमाडौं। नेपालका लागि बजाजको आधिकारिक वितरक हंसराज हुलासचन्द एण्ड कम्पनी प्रा.लि.ले विश्वप्रसिद्ध दुई पांग्रे सवारी ब्रान्ड बजाजको ‘बजाज नेक्स्ट जेन महा-एक्सचेन्ज कार्निभल’ सुरु गरेको छ। माघ ११ गतेदेखि १७ गतेसम्म काठमाडौंको भृकुटीमण्डपमा सञ्चालन हुने कार्निभलमार्फत ग्राहकहरूले बजाजका नयाँ पुस्ताका मोटरसाइकल आकर्षक अफरसहित खरिद गर्न सक्ने कम्पनीले जनाएको छ।
कार्निभलको मुख्य आकर्षणका रुपमा नयाँ बजाज पल्सर २२० एफएपफआई बीएस ६को औपचारिक सार्वजनिक गरिएको कम्पनीले जनाएको छ।
कार्निभलमै पहिलो पटक सार्वजनिक भएको यस यस पल्सर बाइकले बजाजप्रेमीलाई थप उत्साहित बनाउने अपेक्षा गरिएको छ। विशेषगरी फुल डिजिटल कन्सोल, फ्युल इन्जेक्सन, एबिएस र नयाँ ग्राफिक्ससहितको बजाज पल्सर २२०एफ चार लाख ३९ हजार ९०० को शुरुवाती मूल्यमा उपलब्ध गराइनेछ।
कार्निभलमा पुराना बाइक साटेर नयाँ बजाज बाइक खरिद गर्न चाहने ग्राहकका लागि नागरिकताको भरमा बाइक लोन, अन-द-स्पट फाइनान्स, निःशुल्क एक्सेसरिज तथा २२ भन्दा बढी भ्यालुएटरमार्फत उत्कृष्ट एक्सचेन्ज भ्यालुएसनको व्यवस्था गरिएको छ। बजार मूल्यभन्दा आठ हजारसम्म बढी भ्यालुएसन प्राप्त गर्न सकिने कम्पनीले उल्लेख गरेको छ।
नेपालका लागि बजाजको आधिकारिक वितरक हंसराज हुलासचन्द एण्ड कम्पनी प्रा.लि.का अनुसार, यो कार्निभल नयाँ बाइक किन्ने योजना बनाइरहेका ग्राहकका लागि एकै स्थानमा सबै सुविधा प्राप्त गर्ने सुनौलो अवसर हो।
पाँच वर्षको वारेन्टी तथा सहज फाइनान्स सुविधाले ग्राहकलाई अझ सहज र भरपर्दो बनाउने कम्पनीको विश्वास रहेको छ। बजाज नेक्स्ट जेन महा-एक्सचेन्ज कार्निभलसम्बन्धी थप जानकारीका लागि नजिकको बजाज शोरूम वा बजाजका आधिकारिक सामाजिक सञ्जालमार्फत जानकारी लिन सकिने पनि कम्पनीले जनाएको छ।
