कोरोना भाइरसको असर मिडियामा, न्युजिल्याण्डको ठुलो मिडिया कम्पनी १ डलरमा बिक्री

मुख्य समाचार

गृहपृष्ठ
मुख्य समाचार

कोरोना भाइरसको असर मिडियामा, न्युजिल्याण्डको ठुलो मिडिया कम्पनी १ डलरमा बिक्री

क्यापिटल नेपालसोमबार, जेठ १२, २०७७

विलिङटन, एजेन्सी । विश्वव्यापी कोरोना भाइरस महामारीको असर मिडिया उद्योगमा देखिन थालेको छ । कोरोना महामारीका कारण न्युजिल्याण्डको एउटा ठुलो मिडिया कम्पनी १ डलरमा बिक्री भएको छ । मिडियाका प्रमुख कार्यकारी अधिकृत (सीईओ) ले सोमबार घोषणा गरेका हुन ।

अष्ट्रेलियाको नाइन इन्टरटेनमेन्टको स्वामित्वमा रहेको स्टफ अर्गनाइजेसन कोरोना भाइरस महामारीले विज्ञापन आम्दानीमा भारी गिरावट आएपछि संकटमा परेको थियो ।

अष्ट्रेलियाको धितोपत्र बजारलाई जानकारी गराउँदै नाइनले कम्पनीका सीईओ सिनेड ब्रुसरलाई बिक्री गरिएको छ । खरिदबिक्रीको काम यो महिनामा सक्ने बताइएको छ ।

राष्ट्रिय दैनिक तथा लोकप्रिय समाचार वेभसाइट यही नामबाट सञ्चालनमा आएका थिए । स्टफमा ४०० जना पत्रकारकासाथै ९०० कर्मचारी कार्यरत थिए ।

ब्रुसरले सीमित दायित्वमा मिडिया खरिद गरेको र कर्मचारीलाई पनि प्रत्यक्ष सेयर दिने दिने बताएकी छिन । उनले सेयर स्वामित्व हस्तान्तरणको काम यही महिनाभित्र सक्ने जानकारी दिएकी छिन ।

प्रकाशित मिति: सोमबार, जेठ १२, २०७७ १६:०८

प्रतिक्रिया दिनुहोस्