सहकारीलाई कर्जा सूचना केन्द्रसँग आवद्ध गरिने

सहकारी

गृहपृष्ठ
सहकारी

सहकारीलाई कर्जा सूचना केन्द्रसँग आवद्ध गरिने

क्यापिटल नेपाल बुधबार, वैशाख २, २०८३

काठमाडौं। सरकारले सहकारी र लघुवित्तलाई कर्जा सूचना केन्द्रसँग आवद्ध गरी वास्तविक क्षमताका आधारमा मात्र कर्जा प्रवाह गर्ने प्रतिबद्धता जनाएको छ।

सरकारले ‘राष्ट्रिय प्रतिबद्धता’सम्बन्धी मस्यौदा प्रतिवेदन सार्वजनिक गर्दै कर्जा प्रवाहलाई उत्पादनशील, विनाधितो सामूहिक जमानी र स्थानीय सीपमा आधारित उद्यमशील कर्जामा केन्द्रित गर्ने जनाएको हो।

‘सहकारी र लघुवित्तलाई कर्जा सूचना केन्द्रसँग आवद्ध गरी वास्तविक क्षमताका आधारमा मात्र कर्जा प्रवाह गरिनुका साथै उत्पादनशील, विनाधितो सामूहिक जमानी र स्थानीय सीपमा आधारित उद्यमशील कर्जामा केन्द्रित गरिनेछ,’ मस्यौदा प्रतिवेदनमा उल्लेख छ।

यसैगरी, सहकारी र लघुवित्तको अनियन्त्रित र फितलो नियमनलाई विस्थापन गरी गैरबैकिङ वित्तीय क्षेत्रलाई राष्ट्र बैंकको प्रत्यक्ष र शक्तिशाली सुपरीवेक्षण प्रणालीभित्र ल्याउने सरकारको योजना छ।

सहकारी बचतकर्ताको कमाई सुरक्षित गर्न एकीकृत बचत सुरक्षा कोष स्थापना गरी संकटग्रस्त संस्थाका बचतकर्तालाई प्राथमिकताका आधारमा भुक्तानी दिने व्यवस्था गरिने मस्यौदा प्रतिवेदनमा उल्लेख छ। साथै मिटरव्याज र अनुचित लेनदेनलाई आर्थिक अपराधका रुपमा परिभाषित गरी विगतका सबै तमसुक र कपाली तमसुकहरुको न्यायिक छानविन गर्ने सरकारको प्रतिबद्धता छ।

प्रकाशित मिति: बुधबार, वैशाख २, २०८३ ०८:१३

प्रतिक्रिया दिनुहोस्