काठमाडौँ महानगरले ल्यायो २५ अर्ब ८८ करोडको बजेट

अर्थतन्त्र

गृहपृष्ठ
अर्थतन्त्र

काठमाडौँ महानगरले ल्यायो २५ अर्ब ८८ करोडको बजेट

क्यापिटल नेपाल बिहीबार, असार ४, २०८३

काठमाडौँ। काठमाडौँ महानगरपालिकाले आर्थिक वर्ष २०८३/८४ का लागि २५ अर्ब ८८ करोड ३० लाख ५५ हजार रुपैयाँको अनुमानित बजेट प्रस्तुत गरेको छ।

बिहीबार कार्यवाहक प्रमुख सुनिता डंगोलले नगरसभामा बजेट तथा कार्यक्रम, आर्थिक विधेयक र विनियोजन विधेयक पेश गर्दै नीति तथा कार्यक्रम कार्यान्वयनका लागि सञ्चित कोषमा २५ अर्ब १३ करोड ३० लाख ५५ हजार रुपैयाँ व्ययभार पर्ने जानकारी दिइन्।

आगामी वर्षको बजेट सार्वजनिक गर्दै डंगोलले भनिन्, ‘आगामी आर्थिक वर्षको लागि सञ्चित कोषमा २५ अर्ब १३ करोड ३० लाख ५५ हजार रुपैयाँ जम्मा हुने अनुमान गरिएको छ।’

बजेटका लागि आन्तरिक आय र बैंक मौज्दातबाट २० अर्ब १८ करोड ६३ लाख २९ हजार रुपैयाँ तथा नेपाल सरकार र प्रदेश सरकारबाट प्राप्त हुने अनुदान तथा राजस्व बाँडफाँटमार्फत ४ अर्ब ९३ करोड ६७ लाख २६ हजार रुपैयाँ स्रोत जुट्ने अनुमान गरिएको छ। जनसहभागिताबाट थप १ करोड रुपैयाँ प्राप्त हुने प्रक्षेपण गरिएको छ।