मुकेश अम्बानीले मात्रै १५ अर्ब २० करोड वैदेशिक डलर लगानी भित्राए

मुख्य समाचार

गृहपृष्ठ
मुख्य समाचार

मुकेश अम्बानीले मात्रै १५ अर्ब २० करोड वैदेशिक डलर लगानी भित्राए

क्यापिटल नेपाल शुक्रबार, असार ५, २०७७

एजेन्सी । एसियाको सबैभन्दा धनी डलर अर्बपति मुकेश अम्बानीको टेलिकम कम्पनी जीओ प्लेटफर्म लिमिटेडले १५ अर्ब २० करोड अमेरिकी डलर लगानी भित्राएको छ ।

यो रकम विश्वभरी लगानी भएको मध्ये आधा हो । यो वर्ष ३० अर्ब डलर बराबरको टेलिकम कम्पनीमा लगानी भएको इकोनोमिक्स टाइमले जनाएको छ । यसको आधा भन्दा बढी मुकेशले जीओमा ल्याएका छन ।

फेसवुक इंक, सिल्भरलेक, जनरल एटान्टिक, केकेआरलगायत १० कम्पनीहरुले १५ अर्ब डलर भन्दा बढी लगानी जीओमा खन्याएका छन । गत शुक्रबार मात्र साउदी अरेवियाको फण्डले जीओ प्लेटफर्ममा लगानी गरेको छ ।

ऋण तिर्न मुकेशले जीओको २४.७० प्रतिशत स्वामित्व विभिन्न विदेशी कम्पनी र इक्टिफण्डहरुलाई बिक्री गरेका छन । अम्बानीले माउ कम्पनी रिलायन्स इन्डष्ट्रिज लिमिटेडको ऋण तिर्न जीओको सेयर बिक्री गरेका हुन ।

आगामी सन २०२१ को मार्चसम्म रिलायन्सलाई ऋणमुक्त गर्ने योजना मुकेशको छ । रिलायन्सको खुद ऋण १ लाख ६१ हजार करोड भारु रहेको छ ।

जीओ भारतको ठुलो वायरलेस टेलिकम कम्पनी भएको छ । यसको ४० करोड प्रयोगकर्ताहरु रहेका छन । कोरोना महामारीले जेखिम बढाएपछि यो वर्ष टेलिकम कम्पनीहरुको विश्वव्यापी डिल ५२ प्रतिशत घटेको ब्लुमवर्गले जनाएको छ ।

प्रकाशित मिति: शुक्रबार, असार ५, २०७७ १२:२६

प्रतिक्रिया दिनुहोस्