मुग्लिन-नारायणघाट सडकमा दुइटा बस र एउटा ट्रक एकआपसमा ठोक्कियो

पूर्वाधार

गृहपृष्ठ
पूर्वाधार

मुग्लिन-नारायणघाट सडकमा दुइटा बस र एउटा ट्रक एकआपसमा ठोक्कियो

क्यापिटल नेपाल आइतबार, साउन ३, २०८३

काठमाडाैं। मुग्लिन-नारायणघाट सडक खण्डमा दुइटा बस एउटा ट्रकसँग ठोक्किएर दुर्घटना भएको छ। चितवनको इच्छाकामना गाउँपालिका-६ जलबिरेमा काठमाडौंबाट दाङ जाँदै गरेको र सर्लाहीबाट काठमाडौं आउँदै गरेको यात्रुवाहक बस काठमाडौंतर्फ आउँदै गरेको ट्रकसँग ठोक्किएको हो।

आइतबार बिहान साढे ७ बजे दुइटा बस ट्रकसँग ठोक्किएर दुर्घटना भएको सशस्त्र प्रहरी बलका सह-प्रवक्ता डिएसपी शैलेन्द्र थापाले जानकारी दिए। दुर्घटनामा परी दुइटा बसमा सवार अन्दाजी २५/२६ जना घाइते भएको र उनीहरूलाई उपचारका लागि भरतपुर लगिएको पनि डिएसपी थापाले जानकारी दिए।

दुर्घटनाको खबरपछि विपद व्यवस्थापन तालिम शिक्षालय कुरिनटारबाट सशस्त्रको सहायक प्रहरी निरीक्षकको कमान्डमा ११ जनाको टोली खटिएको उनले बताए। दुवै बस र ट्रक घटनास्थलमै रहँदा र सडक दुइतर्फी अवरूद्ध भएको डिएसपी थापाले जानकारी दिएका छन्। अहिले बाटो दुइतर्फी नै सञ्चालनमा आएको सडक डिभिजन भरतपुरले जनाएको छ।

प्रकाशित मिति: आइतबार, साउन ३, २०८३ ०९:३०

प्रतिक्रिया दिनुहोस्