चिनियाँ युआनको प्रभाव विश्वमा बढ्दै, तेस्रो ठुलो मुद्रा बन्ने

अर्थतन्त्र

गृहपृष्ठ
अर्थतन्त्र

चिनियाँ युआनको प्रभाव विश्वमा बढ्दै, तेस्रो ठुलो मुद्रा बन्ने

क्यापिटल नेपाल सोमबार, भदौ २२, २०७७

एजेन्सी । चीनमा बढ्दो वैदेशिक लगानीका कारण चिनियाँ युआन विश्वको तेस्रो ठुलो मुद्रा बन्ने भएको छ । अहिले पहिलो नम्बरमा अमेरिकी डलर र दोस्रोमा युरो रहेका छन । तेस्रो र चौथोमा क्रमश वेलायती पाउन्ड र जापानी येन छन ।

चीनको बढ्दो बजार विस्तारले युआनलाई विश्वको तेस्रो ठुलो सञ्चित मुद्रा बनाउने प्रक्षेपण मोर्गान स्टन्ललीले गरेको छ । चीनले अन्तर्राष्ट्रिय बजारमा युआनको प्रवद्र्धन गर्न लागेका बेला मोर्गानको यस्तो प्रक्षेपण आएको हो ।

विश्वको मुद्रा बजारमा युआनको सञ्चिती २ प्रतिशत छ । आगामी सन २०३० मा सञ्चिती बढेर १० प्रतिशतसम्म पुग्ने अनुमान गरिएको छ । यसबीचमा युआनले जापानी येन र वेलायती पाउन्डलाई पछि पार्ने छ ।

डेढ वर्षयता चीनले बढी भन्दा बढी अन्तर्राष्ट्रिय वित्तीय संस्थाहरुलाई प्रवेश गर्न अनुमति दिइरहेको छ । यस्तै विदेशबाट पनि चीनमा लगानी आउने क्रम बढी रहेको छ । अन्य क्षेत्र भन्दा चीनमा बढी प्रतिफल पाउने देखेपछि विदेशी वित्तीय संस्थाहरुको संख्या बढेको हो ।

अर्को दशकमा चीनमा थप ३० खर्ब डलर लगानी भित्रिने अनुमान मोर्गान स्टन्ल्लीको छ । यो वर्ष १५० अर्ब डलर लगानी आउने अनुमान गरिएको छ ।

सन् २०२१ देखि २०३० सम्म वार्षिक २०० देखि ३०० अर्ब डलर वैदेशिक लगानी चीनमा भित्रिने अनुमान मोर्गानले सार्वजनिक गरेको प्रतिवेदनमा उल्लेख छ ।

चीनले मुद्रालाई आफनो कब्जामा राख्नुका साथै देशबाट पुँजी पलायनलाई रोकेको छ । मोर्गानका अनुसार १ डलर बराबर ६.८५ युआनमा कारोबार भइरहेको छ । सन २०१९ मा विभिन्न ७० मुलुकहरुका केन्द्रीय बैंकहरुले युआनको सञ्चिती बढाएका थिए ।