सन २०२५ सम्म भारतकाे अर्थतन्त्र ५० खर्ब डलर सम्भव : वित्तमन्त्री सीतारमण

मुख्य समाचार

गृहपृष्ठ
मुख्य समाचार

सन २०२५ सम्म भारतकाे अर्थतन्त्र ५० खर्ब डलर सम्भव : वित्तमन्त्री सीतारमण

क्यापिटल नेपाल सोमबार, कात्तिक ४, २०७६

एजेन्सी । भारतलाई ५० खर्ब अमेरिकी डलरको अर्थतन्त्र बनाउन सम्भव रहेको भारतिय वित्तमन्त्री निर्मला सीतारामणले बताएकी छिन् । सन् २०२४/२५ को अन्त्यसम्ममा विश्कै आर्थिक शक्तिभण्डारको रुपमा भारतलाई विकास गर्ने प्रधानमन्त्री नरेन्द्र मोदीको भिजन चुनौतीपूर्ण रहेता पनि सम्भव रहेको उनल बताएकी हुन् । धेरै सुधारहरु यहि आर्थिक वर्षमा तयारी अवस्थामा रहेको बताउँदै बित्त मन्त्री सितारामणले यस्तो बताएकी हुन् ।

कोलम्बिया युनिभर्सिटीज स्कूल अफ इन्टरनेश्नल एण्ड पब्लिक अफेयर्समा भारतीय अर्थतन्त्रको चुनौती र भविष्य विषयमा लेकचर दिदैँ भारतीय अर्थतन्त्र २०१४ मा प्रधानमन्त्री मोदी सत्तामा आएदेखि नै बृद्धि भइरहेको उनले बताइन् ।

उनले भनिन्, ‘२०१४ मा नेश्नल डेमोक्रेटिक अलायन्स एनडीए सत्तामा आउँदा भारतको अर्थतन्त्र १७ खर्ब डलर थियो, २०१९ मा अर्थतन्त्र २७ खर्ब डलर भयो पाँच वर्षमा १० खर्ब डलरको बृद्धि भयो । तर, अब २०२४÷२५ सम्म भारतको अर्थतन्त्रलाई ५० खर्ब डलरको बनाउने हाम्रो लक्ष्य चुनौती पूर्ण छ तर सम्भव पनि छ ।’
’