अर्थमन्त्री महत भन्छन्– अब जग्गा कारोबार बढ्दै जान्छ

अर्थतन्त्र

गृहपृष्ठ
अर्थतन्त्र

अर्थमन्त्री महत भन्छन्– अब जग्गा कारोबार बढ्दै जान्छ

काठमाडौं। अर्थमन्त्री डा. प्रकाशशरण महतले अब जग्गा कारोबार बढ्दै जाने बताएका छन्।

मंगलबार ‘नाडा अटो शो २०२३’ उद्घाटन कार्यक्रममा अध्यक्ष थापाले यस्तो बताएका हुन्। ‘नेपालको अर्थतन्त्रमा समस्या छ अब यो समस्या धेरै रहँदैन। यहाँको पर्यटन क्षेत्र पनि अब अगाडि बढ्छ,’ अर्थमन्त्री महतले भने, ‘अटोमोबाइल, जग्गा कारोबार, सेयरबजारमा समस्या थिए। तर, जग्गाको समस्या कम भएको छ भने अन्य समस्या पनि निराकरण हुँदै जान्छ।’

उनले जग्गा कारोबारले अब बिस्तारै गति लिने बताए। नेपाली अर्थतन्त्रमा पैसा नै नभएको होइन। पैसा पर्याप्त छ तर, त्यो पैसा घुम्न र प्रयोगमा जान नकेको उनको भनाइ छ।

‘निजी क्षेत्रलाई सानो सानो कुरामा यो गर या नगर भनेर सरकारले भनिरहन आवश्यक छैन,’ महतले भने, ‘एकमुष्ट रूपमा सबैको विषय सम्बोधन र गाइडलाइन गरेपछि उनीहरूले स्वतन्त्र भूमिका खेल्न पाउनुपर्छ।’

कुनै समयमा हाम्रोमा गाडी ठूलो विलासिता वस्तुका रूपमा भएको कुरा गर्दै अहिले भने यो अवस्था परिवर्तन भएको बताए।

प्रकाशित मिति: मंगलबार, भदौ २६, २०८० १४:४६