इनड्राइभद्वारा विश्वभरि २ अर्ब बढी राइड सम्पन्न

अटो

गृहपृष्ठ
अटो

इनड्राइभद्वारा विश्वभरि २ अर्ब बढी राइड सम्पन्न

क्यापिटल नेपाल बिहीबार, भदौ २८, २०८०

काठमाडौं। इनड्राइभले विश्वभरि २ अर्बभन्दा बढी राइड सम्पन्न गरेको छ। इनड्राइभले ग्लोबल मोबिलिटी, सहरी सेवा र कम्युनिटी डेभलपमेन्ट प्लेटफर्ममार्फत यात्रु र चालकलाई आपसमा उचित भाडादरमा छनौट गर्न अनुमति दिएर नेपालमा राइड–सेयरिङ उद्योगलाई सशक्तरूपमा अगाडि बढाइरहेको छ।

इनड्रइभले सन् २०२२ देखि काठमाडौंमा आफ्नो सेवा सुरु गरेको थियो र त्यसबेलादेखि ग्राहकलाई उनीहरूको आफ्नो सवारीको मूल्य निर्धारण गर्ने स्वतन्त्रता दिइरहेको छ।

सेवा नपुगेका बजारमा विद्यमान खाडल सम्बोधन गर्न उचित समाधान सिर्जना गर्नु इनड्राइभको विश्वव्यापी विस्तार रणनीतिको महत्त्वपूर्ण भाग भएको कम्पनीले जनाएको छ।

वर्षौंदेखि विकसित हुँदै, इनड्राइभर (स्वतन्त्र चालकहरू) हाल इनड्राइभ (इनर ड्राइभ) का रूपमा सहरी सेवाका लागि मार्केटप्लेसमा परिणत भएको छ। इनड्राइभ यात्रुद्वारा सञ्चालित कम्पनी हो जसले विश्वमा मानव समानुभूति प्रतिस्थापन गर्न सक्ने कुनै प्रविधि छैन भन्ने विश्वास गर्छ।

राइड–हेलिङ एपहरू बढी मानिसका लागि हुन् र हुनुपर्छ भनेर इनड्राइभले प्रमाणित गर्दै आएको छ। इनड्राइभमा रहेको फेयर प्राइसमा यात्रुहरू सहमत हुनसक्छन्।

आज, इनड्राइभ संसारमा दोस्रो सबैभन्दा धेरै डाउनलोड गरिएको मोबिलिटी एप हो। यसले पाँच महादेशका ४८ देशका ७ सयभन्दा बढी सहरमा १० करोडभन्दा धेरै प्रयोगकर्तालाई निरन्तर सेवा दिइरहेको छ।

प्रकाशित मिति: बिहीबार, भदौ २८, २०८० १५:१६

प्रतिक्रिया दिनुहोस्