टोखामा चाकुस्तम्भ निर्माण, माघेसंक्रान्तिमा चाकु दिवस मनाइने

उद्योग

गृहपृष्ठ
उद्योग

टोखामा चाकुस्तम्भ निर्माण, माघेसंक्रान्तिमा चाकु दिवस मनाइने

क्यापिटल नेपाल शनिबार, पुस २७, २०८१

काठमाडौं। चाकु उत्पादनका लागि प्रसिद्ध टोखामा माघेसंक्रन्ति पर्व अवसरमा ‘चाकु दिवस’ मनाइने भएको छ। नेपाः युवा क्लव टोखाको आयोजना तथा टोखा परम्परागत चाकु संरक्षण समाजको सहकार्यमा माघे सङ्क्रान्ति पर्वको अवसरमा अगामी माघ १ गते टोखाबजारमा ‘चाकु दिवस’ मनाउन लागिएको हो।

टोखा परम्परागत चाकु संरक्षण समाजका अध्यक्ष कृष्ण श्रेष्ठले टोखाभित्र उत्पादित चाकु र यसबाट बनेको परिकारलाई चाकु दिवसको अवसरमा प्रदर्शनमा राखिने जानकारी दिए। टोखामा माघेसंक्रान्ति अवसरमा ‘चाकु दिवस तथा बृहत् सांस्कृतिक तथा सम्मान कार्यक्रम हुनेछ।

अध्यक्ष श्रेष्ठले टोखाभित्र उत्पादित सामग्रीसमेतलाई चाकु दिवसमा प्रदर्शन गरिने बताए। टोखा उखु खेती हुने पुरानो बजार हो।

काठमाडौँको उत्तरी क्षेत्रमा रहेको टोखा नेवारी भाषामा ‘टु’ र ‘ख्य’ शब्दबाट बनेको हो। नेवारी भाषामा ‘टु’ को अर्थ उखु र ‘ख्य’ को अर्थ खेती भन्ने गरिन्छ। उखुखेती हुने टोखामा लिच्छवीकलाको पाँच सय १९ देखि चाकु बनाउन थालिएको किंवदन्ती छ। टोखामा हाल चाकुका १४ उद्योग रहेका छन्।

टोखा नगरपालिकाले टोखा क्षेत्रको पहिचानलाई कायम गर्नका लागि टोखाबजारमा उखु खेतीको कार्यक्रमलाई समेत अगाडि बढाउन लागेको छ। यस्तै टोखाको पहिचानको रुपमा रहेको चाकु स्तम्भसमेत टोखामा निर्माण गर्न लागिएको छ।

प्रकाशित मिति: शनिबार, पुस २७, २०८१ ०७:२४

प्रतिक्रिया दिनुहोस्