म्याग्दी। म्याग्दीको अन्नपूूर्ण गाउँपालिका–५ स्वाँतमा रहेको छहरे झरना पूर्वाधार र पर्यटक पर्खाइमा छ। स्वाँत गाउँको नजिकै रहेको छहरे झरना पूर्वाधार र प्रचारप्रसार अभावमा ओझेल परेको हो।
मनमोहक छहरे झरनासम्म पुग्ने व्यवस्थित पदमार्ग र यसको आकर्षणका विषयमा प्रचारप्रसार नहुँदा पर्यटक पुग्न नसकेको स्वाँतका बासिन्दा मनबहादुर पुनले बताए। अन्नपूर्ण चक्रीय र खोपारा पदमार्गमा समेटिएको स्वाँत गाउँमा पर्यटकको बसाइँ लम्बाउन छहरे झरनालाई नयाँ गन्तब्य बनाउनुपर्ने होटल व्यवसायीसमेत रहेको पुनको भनाइ छ। झरनासम्म पुग्ने व्यवस्थित पदमार्ग छैन।
भिराखो पाखोको भिरालो पैदलमार्गमा हिड्दा चिप्लने खतरा छ। छहरे झरनाको सुन्तरता स्वाँत गाउँमै सीमित छ। रमणीय झरना सुनसान छ। करिब २०० मिटर अग्लो झरना मनमोहक छ। झरनाको फेदीमा निलो आकारको तलाउ छ। वरपर घना जंगल छ।
चराको चिरबिर चिरबिर आवाज सुन्न सकिन्छ। पहाडको फेदीमा रहेको झरना नजिकै भीरमौरीको घार (बासस्थान) छ। जहाँ हरेक वर्षको जेठ महिनाको पहिलो हप्ता स्वाँतका बासिन्दाले महसिकार गर्छन्।
छङछङ गर्दै झर्ने झरनाको आवाजले मन्त्रमुुग्ध बनाउने स्थानीय बलबहादुर तिलिजा पुनले बताए। छहरे झरना अवलोकन गर्दै तनाव भुुुलाउन र थकान मेटाउन सकिने उनले उल्लेख गरे। शान्त र एकान्त वातावरणमा रमाउन पाउनु ुपनि छहरे झरनाको विशेषता हो।
झरनामा घाम पर्दा इन्द्रेणी देखिन्छ। नजिक नजिक दुई वटा झरना रहेका छन्। ठूलो छहरे झरनाभन्दा करिब २०० मिटर तल रहेको अर्को झरनालाई सानो छहरेका नामले चिनिन्छ। स्वाँत गाउँदेखि करिब २० मिनेट पैदलयात्रा गरेपछि छहरे झरनामा पुगिन्छ।
झरनाको माथिल्लो भागसम्म कच्चि सडक पनि छ। स्वाँत गाउँमा होटल र होमस्टे (घरबास)को सुविधा छ। अन्नपूर्ण गाउँपालिका–५ का वडा अध्यक्ष राजेश तिलिजा पुनले छहरे झरनाको संरक्षण, पूर्वाधार निर्माण र प्रचारप्रसार गरी पर्यटकीय गन्तब्य बनाउन पहल गरेको जनाए।
सडक पुुगेको ठाउँदेखि झरनाको फेदीसम्म ढुंगाको सिढी चिनेर पदमार्ग, दृष्य अवलोकनस्थल र बिश्रामस्थल बनाउन अध्ययन गरिएको वडा अध्यक्ष तिलिजाले बताए।–रासस
