काठमाडौं। एमएडब्लू वृद्धि स्पीड चार्जर्सले नेपालको इतिहासमा नयाँ कीर्तिमान बनाएको छ। कम्पनीले जोमसोममा सीसीएस२ विद्युतीय सवारी साधान (ईभी) चार्जिङ स्टेसन औपचारिक रूपमा उद्घाटन गरेको छ।
जुन अहिलेसम्मकै उच्च भूभागमा रहेका चार्जिङ स्टेसनमा समावेश भएको छ। यो उपलब्धिले दुर्गम र कठिन भौगोलिक स्थानमा ईभीको पूर्वाधार विकासमा कम्पनीको महत्वपूर्ण भूमिका खेलेको छ।
जोमसोममा स्थापना गरिएको चार्जिङ स्टेसन केवल इन्जिनियरिङ उपलब्धि मात्र नभई, नेपालमा ईभी विकासको सुरुवाती कदम हो। अब, यस्तो उच्च स्थानसम्म सीसीएस२ चार्जिङ सुविधा पुगेकाले ईभी प्रयोगकर्ताले सुरक्षित रूपमा यात्रा गर्न र ग्रिनर नेपाल निर्माणमा योगदान दिन सक्ने छन्।
एमएडब्लू वृद्धिले हाल नेपालभर ११६ स्थानमा रणनीतिक रूपमा राखिएका सीसीएस२ चार्जिङ स्टेसन सञ्चालनमा ल्याएको छ। जसले सहरभित्र मात्र होइन, जोमसोमजस्ता टाढाका ठाउँमा पनि ईभी प्रयोगकर्ताका लागि भरपर्दो सेवा सुनिश्चित गर्ने छ।
यस पहलले ईभी पूर्वाधार सुदृढ गर्नुका साथै जोमसोमजस्तो लोकप्रिय पर्यटकीय गन्तव्यमा दिगो पर्यटनलाई पनि प्रवर्द्धन गर्छ। जोमसोम नेपालको धेरै यात्रा गरिने ठाउँहरूमध्ये एक हो।
जहाँ स्वदेशी र विदेशी पर्यटकहरूको भीड लाग्ने गर्दछ। पर्यावरणप्रेमी यात्रुका लागि वातावरणमैत्री यात्रालाई सहज बनाउने दिशामा यो चार्जिङ स्टेशनको स्थापना एक ठूलो कदम हो।
समग्रमा, इनोभेसन र डिटरमिनेसको उत्कृष्ट समिश्रण देखिने यो उपलब्धिले ईभी प्रयोगकर्ता, वातावरणप्रेमी र सरकारी नीति निर्माताहरूबीच ठूलो विश्वास बढाउने छ। साथै, एमएडब्लू वृद्धि स्पीड चार्जर्सको जहाँसुकै-जोकोहीका लागि सफा यातायात सम्भव गराउने सपनालाई अझ सहज बनाउने छ।
