इभीको प्रयोगलाई दिगो र गुणस्तरीय बनाउन प्रोत्साहन नीति, तेस्रो पक्ष बिमा समय सापेक्ष गरिने

अटो

गृहपृष्ठ
अटो

इभीको प्रयोगलाई दिगो र गुणस्तरीय बनाउन प्रोत्साहन नीति, तेस्रो पक्ष बिमा समय सापेक्ष गरिने

क्यापिटल नेपालबिहीबार, जेठ १५, २०८२

काठमाडौं। सरकारले विद्युतीय सवारी साधान (इभी) को प्रयोग बढाउन प्रोत्साहन गर्ने घोषणा गरेको छ। अर्थमन्त्री विष्णु पौडेलले आगामी आर्थिक वर्षको बजेट वक्तव्यमार्फत् सो घोषणा गरेका हुन्।

‘सबै प्रकारको सवारी साधानको फिटनेस टेस्ट हुनु पर्ने व्यवस्था गरिनेछ। तेस्रो पक्ष बिमालाई समय सापेक्ष बनाईने, विद्युतीय सवारी साधानको प्रयोगलाई विस्वासनीय, गुणस्तरीय र दिगो बनाउन प्रोत्साहन गरिनेछ। निजी क्षेत्रलाई चार्जिङ स्टेसन र वर्कसप स्थापना गर्न प्रोत्साहन गरिनेछ।’

काठमाडौं उपत्यका लगायत ठुला सहरी क्षेत्रमा स्मार्ट सार्वजनिक यातायात सञ्चालन गर्न निजी क्षेत्रको लगानी आर्कषित गरिनेछ। सार्वजनिक यातायात प्राधिकरण सञ्चालनमा ल्याइनेछ। प्रदेश स्तरबाट सवारी चालक अनुमति पत्र वितरण हुने व्यवस्था मिलाइनेछ।

प्रकाशित मिति: बिहीबार, जेठ १५, २०८२ १६:४७

प्रतिक्रिया दिनुहोस्