काठमाडौं। टाटा मोटर्सको नेपालका लागि आधिकारिक वितरक सिप्रदी ट्रेडिङ प्रा।लि।ले प्राइम अटो ट्रेडर्सको सहकार्यमा आजदेखि वीरगञ्जमा टाटा ईभी अटो शो सुरु गरेको छ। अगष्ट २२ देखि २४ सम्म होटल विशुवा, बाइपास रोडमा अटो शो हुने भएको हो।
अटो शोमा टाटा मोटर्सका नवीनतम विद्युतीय मोडलहरूको प्रदर्शनीसँगै ग्राहकका लागि आकर्षक अफर उपलब्ध गराइएको छ। अफरमा फ्री लाइफटाइम डिसी फास्ट चार्जिङ, आकर्षक छुट, उच्चतम एक्सचेन्ज भ्यालुएसन, ३ वर्षसम्म निःशुल्क सर्भिसिङ, निःशुल्क कम्प्रिहेन्सिभ इन्स्योरेन्स, निःशुल्क एसेसोरिज, निःशुल्क वार्षिक सवारी कर, निःशुल्क होम चार्जिङ इन्स्टलेसन, र निःशुल्क एम्बोस्ड नम्बर प्लेट जस्ता सुविधाहरू समावेश छन्।
यस अटो शोमा प्रदर्शित ईभी मोडलहरूमा कर्भ, नेक्सस के थ्री, पञ्च र टिगो रहेका छन्। यससँगै, अटो शोमा आउने आगन्तुकका लागि फुड स्टल, रमाइलो खेल गतिविधि ९फन गेम्स० र मनोरञ्जनात्मक कार्यक्रमसमेत व्यवस्था गरिएको छ। जसले यसलाई केवल प्रदर्शनी मात्र नभई उत्सवको रूप दिने छ।
कार्यक्रम आयोजक प्राइम अटो ट्रेडर्स र सिप्रदी ट्रेडिङका अनुसार यो अटो शोले वीरगञ्ज र आसपासका ग्राहकलाई विद्युतीय मोबिलिटीबारे प्रत्यक्ष अनुभव दिने र टाटा ईभी मोडलबारे जानकारी लिन उत्कृष्ट अवसर प्रदान गर्ने जनाएको छ।
