सफ्टवेयर अपडेट समस्याले एयर न्यूजिल्यान्डका १२ उडान प्रभावित

अन्तर्राष्ट्रिय

गृहपृष्ठ
अन्तर्राष्ट्रिय

सफ्टवेयर अपडेट समस्याले एयर न्यूजिल्यान्डका १२ उडान प्रभावित

क्यापिटल नेपाल शनिबार, मंसिर १३, २०८२

काठमाडौं। एयर न्यूजिल्यान्डले ३७ वटा एयरबस विमानमा आवश्यक सफ्टवेयर अपडेट लागू गर्नुपर्ने भएपछि १२ उडान रद्द गरेको छ।

एयर न्यूजिल्यान्डका प्रमुख सुरक्षा अधिकारी नेथन म्याकग्रोका अनुसार यो सफ्टवेयर अपडेट समस्या देशभित्र र अन्तर्राष्ट्रिय उडानमा सञ्चालन हुने ३७ वटा एयरबस विमानलाई प्रभावित गरिरहेको छ। उनले यो अपडेट पूरा गर्न करिब दुईदेखि तीन दिन लाग्ने अनुमान गरिएको बताए।

न्यूजिल्यान्ड नागरिक उड्डयन प्राधिकरणका अनुसार उनीहरू एयरबस ए–३२० विमानको अवस्थाबारे पूर्ण रुपमा अवगत छन्। यूरोपेली सङ्घको उड्डयन सुरक्षा एजेन्सीले जारी गरेको आपत्कालीन सुरक्षा निर्देशन कार्यान्वयन गर्न एयर न्यूजिल्यान्ड र अन्य सम्बन्धित निकायसँग मिलेर काम गरिरहेका छन्।

यस निर्देशनअनुसार सबै ए–३२० विमानमा आवश्यक सफ्टवेयर अपडेट गर्नु अनिवार्य गरिएको छ।

प्रकाशित मिति: शनिबार, मंसिर १३, २०८२ १७:४३

प्रतिक्रिया दिनुहोस्