सबस्टेशनमा आगो लागेसँगै अमेरिकाको फ्रान्सिस्कोमा विद्युत अवरुद्ध, सवा एक लाख घर प्रभावित

अन्तर्राष्ट्रिय

गृहपृष्ठ
अन्तर्राष्ट्रिय

सबस्टेशनमा आगो लागेसँगै अमेरिकाको फ्रान्सिस्कोमा विद्युत अवरुद्ध, सवा एक लाख घर प्रभावित

क्यापिटल नेपाल आइतबार, पुस ६, २०८२

काठमाडौं। अमेरिकाको सान फ्रान्सिस्कोमा शनिबार ठूलो मात्रामा विद्युत अवरोध भएको छ। शहरका करिब एक लाख ३० हजार घर र व्यवसाय अन्धकारमा परेका छन्।

प्वासिफिक ग्यास एण्ड इलेक्ट्रिक कम्पनीका अनुसार, विद्युत सेवा पुनः सुचारु गर्न आपतकालीन सेवा र शहरका अधिकारीसँग समन्वय गर्दै काम भइरहेको छ।

शहरका मेयर ड्यानियल ल्युरीले बासिन्दालाई अनावश्यक बाहिर नजान र घरमै बस्न आग्रह गरेका छन्। केही ट्राफिक संकेतक काम नगरेको हुँदा प्रहरीले चोकहरूमा नियन्त्रणका लागि खटाइएको छ।

विद्युत कटौतीको मुख्य कारण शहरको एक सबस्टेशनमा आगो लागेको हो। अझै पूर्ण रुपमा सेवा कहिले फर्कने निश्चित भएको छैन। यस घटनाका कारण पश्चिमी तटको प्रमुख प्रविधि केन्द्र अन्धकारमा परेको छ।

प्रकाशित मिति: आइतबार, पुस ६, २०८२ १२:३०

प्रतिक्रिया दिनुहोस्