बहुराष्ट्रिय कम्पनीको ब्रान्ड विवादः ११ नेपाली उद्योगलाई लिखित जवाफसहित उपस्थित हुन विभागको पत्र

उद्योग

गृहपृष्ठ
उद्योग

बहुराष्ट्रिय कम्पनीको ब्रान्ड विवादः ११ नेपाली उद्योगलाई लिखित जवाफसहित उपस्थित हुन विभागको पत्र

क्यापिटल नेपाल बुधबार, चैत ४, २०८२

काठमाडौं। उद्योग विभागले बहुराष्ट्रिय कम्पनीले आफ्ना ट्रेडमार्क (ब्रान्ड)सँग नाम र लोगो जुधाएको भन्दै ११ नेपाली उद्योगविरुद्ध दिएको उजुरीबारे सात दिनभित्र लिखित जवाफसहित उपस्थित हुन पत्र काटेको छ।

विभागले सार्वजनिक सूचना जारी गर्दै उजुरी परेका ११ वटा नेपाली उद्योगलाई सात दिनभित्र लिखित जवाफसहित उपस्थित हुन भनेको हो।

यसअघि उजुरी परेका उद्योगको ठेगानामा लिखित प्रतिक्रिया माग गर्दै पत्र पठाए पनि हालसम्म जवाफ नआएको र म्याद तामेली प्रतिवेदन प्राप्त नभएकाले सार्वजनिक सूचना जारी गर्नुपरेको विभागको भनाइ छ।

विभागको सूचनामा भनिएको छ, ‘सूचना प्रकाशित भएको मितिले बाटोको म्यादबाहेक ७ दिनभित्र विभागको कानुन शाखामा सबुत प्रमाणसहित लिखित प्रतिक्रिया पेस गरी हाजिर हुन सूचित गरिन्छ।’ सात दिनभित्र लिखित जवाफ नदिए कानुनअनुसार कारबाही प्रक्रिया अगाडि बढाइने विभागले जनाएको छ।