भारत भ्रमण सकेर परराष्ट्रमन्त्री खनाल स्वदेश फिर्ता

राजनीति

गृहपृष्ठ
राजनीति

भारत भ्रमण सकेर परराष्ट्रमन्त्री खनाल स्वदेश फिर्ता

क्यापिटल नेपाल आइतबार, जेठ २४, २०८३

काठमाडौं। परराष्ट्रमन्त्री शिशिर खनाल भारतको तीन दिने औपचारिक भ्रमण सम्पन्न गरी आज स्वदेश फिर्ता भएका छन्। भारतका विदेशमन्त्री डा. एस जयशङ्करको मैत्रीपूर्ण निमन्त्रणामा उनी शुक्रबार नयाँदिल्ली प्रस्थान गरेका थिए।

भ्रमणका क्रममा मन्त्री खनालले शनिबार आफ्ना भारतीय समकक्षीसँग प्रतिनिधिमण्डलस्तरीय द्विपक्षीय वार्ता गरेका थिए। वार्तामा विकास सहकार्य, सम्पर्क सञ्जाल विस्तार, व्यापार तथा पारवहन, ऊर्जा र जनस्तरको सम्बन्धलाई अझ उन्नत तुल्याउनेलगायत विषयमा छलफल भएको थियो।

नयाँ दिल्लीमा रहँदा परराष्ट्रमन्त्री खनालले भारतका राष्ट्रिय सुरक्षा सल्लाहकार अजित डोभाल तथा भारतीय जनता पार्टीका विदेश विभाग प्रमुख डा विजय चौथाइवालेसँग छुट्टाछुट्टै भेटवार्ता गरे।

प्रकाशित मिति: आइतबार, जेठ २४, २०८३ १९:३८

प्रतिक्रिया दिनुहोस्