अर्थमन्त्री–नाडा पदाधिकारी भेट : ५० प्रतिशत डाउन पेमेन्टमा पुनरावलोकन गर्ने खतिवडाको बचन

मुख्य समाचार

गृहपृष्ठ
मुख्य समाचार

अर्थमन्त्री–नाडा पदाधिकारी भेट : ५० प्रतिशत डाउन पेमेन्टमा पुनरावलोकन गर्ने खतिवडाको बचन

क्यापिटल नेपालबुधबार, माघ १, २०७६

काठमाडौं । अर्थमन्त्री डा.युवराज खतिवडाले अटो लोनमा गरिएको ५० प्रतिशत डाउन पेमेन्ट सीमाको पुनरविचार गरिने बताएका छन् । अर्थमन्त्री खतिवडा र नाडा अटोमोवाइल्स एसोसियसनका पदाधिकारीसँगको भेटमा अर्थमन्त्री खतिवडाले ५० प्रतिशत सीमामा पुनरावलोकन गर्ने बचन दिएका हुन ।

नाडा अध्यक्ष कृष्णप्रसाद दुलालको नेतृत्वमा मन्त्रालय पुगेकोे प्रतिनिधि मण्डलले पछिल्लो समय खस्केको अटोमोबाइल बजारका बारेमा अर्थमन्त्री खतिवडालाई ब्रिफिङ गरेपछि अर्थमन्त्री खतिवडाले यस्तो बचत दिएका हुन ।

अटो लोनमा गरिएको ५० प्रतिशत डाउन पेमेन्टका कारण गाडी बिक्री ६० प्रतिशत खस्किएको व्यवसायीले बताएका छन । अटो व्यवसाय खस्केपछि अटो व्यवसायीहरु सरकार गुहार्दै मन्त्रालय पुगेका हुन ।

अध्यक्ष दुलालले भने,‘अर्थमन्त्रीज्युले डाउन पेन्टमा पनि पुनरावलोकनका साथै ऋणकोे पनि व्यवस्था गर्ने बताउनु भएको छ ।’ अर्थमन्त्री खतिवडाले अटो क्षेत्रका सबै समस्या समाधान हुने गरी केही न केही व्यवस्था गर्ने बचन दिएको अध्यक्ष दुलालले बताए ।

नाडाले फेयर ट्रेड, स्पेयर पाटर्समा अण्डर इन्भोइसिङ लगायतका विषय समाधन गर्न तथा सहज व्यापारको वातावरण बनाइदिन अर्थमन्त्रीसँग माग गरेको अध्यक्ष दुलालले बताए । ‘हामीले अटो क्षेत्रले भोगेका विभिन्न समस्याका बारेमा बतायौँ ,उहाँ सकारात्मक हुनु भएको छ ।’ अध्यक्ष दुलालले भने ।

प्रकाशित मिति: बुधबार, माघ १, २०७६ १८:००

प्रतिक्रिया दिनुहोस्