काठमाडौं। यामाहा नेपालले टु ह्विलरको सेल्स एक्सलेन्सलाई पहिचान गर्न र यसको उत्सव मनाउन देशभरका यामाहा डिलरबीचको आन्तरिक प्रतिस्पर्धा, नेसनल सेल्स स्कील कन्टेस्ट २०८२ आयोजना सम्पन्न गरेको छ।
यस कन्टेस्टले देशभरका शीर्ष बिक्रीकर्ताहरूलाई एकै ठाउँमा ल्याएको थियो। जसले तीव्र क्षेत्रीय प्रतिस्पर्धामार्फत नेसनल फाइनलमा आफ्नो स्थान हासिल गरेका थिए।
यामाहा नेटवर्कभित्र बिक्री क्षमताको मूल्यांकन र सुधार गर्ने उद्देश्यले आयोजना गरिएको यस प्रतियोगिता अटो बेसिक्स, उत्पादनको ज्ञान, प्रतिस्पर्धाको जानकारी, बिक्री प्रक्रिया, भाइभा र उत्पादन प्रदर्शन गरी छ वटा मुख्य विधामा आधारित थियो। एक दिनको तीव्र प्रतिस्पर्धा र व्यापक मूल्यांकनपछि उत्कृष्ट तीन प्रतिभाहरूले उपाधि जित्न सफल भए।
समुन्द्र पंगेनी– भी.ए.डब्लू इन्टरप्राइजेज, पोखरा (विजेता, नगद ३०,००)
प्रमिला श्रेष्ठ– एल.एस. इन्टरप्राइजेज, ललबन्दी (फर्स्ट रनरअप, नगद २०,०००)
विकास रञ्जितकार– द व्हिल्स, सल्लाघारी (सेकेन्ड रनरअप, नगद १०,०००)
सबै नेसनल फाइनलिस्टलाई उनीहरूको मेहनत, पेशागत प्रतिबद्धता र यामाहाको 'कस्टमर फर्स्ट' फिलोसोफीप्रति समर्पणको कदर स्वरूप प्रमाणपत्र, ट्रफी र पदक प्रदान गरियो।
पुरस्कारहरू एमएडब्लु राइड्सका कार्यकारी निर्देशक तथा सीईओ दीपक कुमार अग्रवाल र ह्युमन रिसोर्स विभाग प्रमुख शम्भु प्रसाद कोइरालाले वितरण गरेका थिए। यस अवसरमा बोल्दै सीईओ अग्रवालले भने, “हाम्रा जनशक्ति नै यामाहा नेपालको सफलताको मुख्य आधार हुन्। यो प्रतियोगिता केवल प्रतिस्पर्धा मात्र होइन, हाम्रा सेल्स प्रोफेसनलहरूको अनुशासन, उत्साह र ज्ञानको उत्सव पनि हो। एक उच्च(प्रविधियुक्त विश्वस्तरीय ब्रान्ड हुनुका नाताले यामाहा निरन्तर सिकाइ र क्षमता विकासमा विश्वास राख्दछ। एमएडब्लु राइड्सले आफ्ना जनशक्तिमा निरन्तर लगानी गर्नेछ किनकि उनीहरू यामाहाको विश्वव्यापी गुणस्तरलाई ग्राहक अनुभवमा रूपान्तरण गर्ने आधार हुन्।”
एमएडब्लु राइड्सको नेतृत्वमा यामाहा नेपाल आज नेपालकै सबैभन्दा भरपर्दो र प्रतिष्ठित दुई पांग्रे सवारी ब्रान्डमध्ये एक बनेको छ। उन्नत जापानी प्रविधि, भरपर्दो सेवा र उत्कृष्ट आफ्टर सेल्स सर्भिससहित यामाहाले प्रदर्शन, शैली र ग्राहक सन्तुष्टिमा नयाँ मापदण्ड स्थापित गरिरहेको छ।
