अटोमोबाइल उद्योगलाई राहत दिने सरकारी निर्णयको नाडाले गर्‍यो स्वागत

अटो

गृहपृष्ठ
अटो

अटोमोबाइल उद्योगलाई राहत दिने सरकारी निर्णयको नाडाले गर्‍यो स्वागत

क्यापिटल नेपाल बुधबार, असोज ८, २०८२

काठमाडाैं। जेनजी आन्दोलनबाट प्रभावित अटोमोबाइल उद्योगलाई राहत दिने सरकारी निर्णयलाई नाडा अटोमोबाइल्स एशोसिएशन अफ नेपालले स्वागत गरेको छ।

नाडाका अध्यक्ष करण कुमार चौधरीको नेतृत्वमा गएको प्रतिनिधिमण्डलले प्रधानमन्त्री सुशीला कार्की र अर्थमन्त्री रामेश्वर खनालसँग भेटेर विशेष राहत प्याकेज ल्याउन गरेको आग्रहलाई सरकारले सम्बोधन गरेको हो।

यसले निजी क्षेत्रसँग सहकार्य गर्दै अर्थतन्त्रलाई पुनर्जीवित गर्ने सरकारको प्रतिबद्धता स्पष्ट भएको नाडाको भनाइ छ। सरकारले घोषणा गरेका मुख्य प्रावधानहरूमा क्षति भएको ५० प्रतिशत रकम अग्रिम भुक्तानी, बैंक कर्जामा ८० प्रतिशतसम्म लोन-टु-भ्यालु, आयातमा भन्सार तथा अन्तःशुल्कमा ५० प्रतिशत छुट, र कर्जा भुक्तानी अवधि थप गर्ने जस्ता विषयहरू समावेश छन्।

सरकारकाे उक्त निर्णयले उद्योगी व्यवसायीका लागि ठूलो हौसला मिलेकाे नाडाले बताएकाे छ। यस्तै, नाडाले लोन-टु-भ्यालु सुविधालाई आन्दोलन प्रभावित व्यवसायका लागि मात्र नभई सबै सवारी साधनमा विस्तार गर्न पनि आग्रह गरेको छ। यसले बैंकिङ प्रणाली र रोजगारीमा सकारात्मक प्रभाव पर्ने नाडाकाे भनाइ छ।

प्रकाशित मिति: बुधबार, असोज ८, २०८२ १६:२२

प्रतिक्रिया दिनुहोस्