एथरले पूरा गर्‍यो ५ लाख युनिट स्कुटरको उत्पादन

अटो

गृहपृष्ठ
अटो

एथरले पूरा गर्‍यो ५ लाख युनिट स्कुटरको उत्पादन

क्यापिटल नेपाल बुधबार, असोज २२, २०८२

काठमाडौं। दुई पांग्रे इलेक्ट्रिक ब्रान्ड एथरले ५ लाख युनिट स्कुटर उत्पादनको माइलस्टोन पूरा गरेको छ। भारतीय दुईपांग्रे इलेक्ट्रीक ब्राण्ड एथरले बैंगलुरमा रहेको आफ्नो होसुर प्लाण्टबाट ५ लाख युनिट स्कुटरको उत्पादन पूरा गरेको हो।

कम्पनीले रिज्टा स्कुटरको उत्पादनको क्रममा ५औं लाख युनिट पूरा गरेको हो। एथरको रिज्टा गत नाइमा मोबिलिटी एक्स्पोमा नेपाली बजारमा भित्रिएको मोडल हो। नेपालका लागी एथरको आधिकारिक वितरक वैद्य इनर्जी हो।

एथरको कुल उत्पादनमा समेत एकतिहाईभन्दा बढी हिस्सा रिज्टाले ओगटेको छ। रिज्टा फ्यामिली स्कुटरका लागि बजारमा चर्चित छ। यो माइलस्टोन पूरा गर्न रिज्टाको धेरै महत्वपूर्ण भूमिका रहेको छ।

एथरको होसुरमा ब्याट्री र स्कुटरको गरी दुईवटा उत्पादन प्लाण्ट रहेको छ। एथर स्कुटरको प्लाण्टबाट वार्षिक ४ लाख २० हजार युनिट हाराहारिमा स्कुटर उत्पादन गर्न सकिन्छ।

बढ्दो माग पूरा गर्न कम्पनीले महाराष्ट्रमा अब तेस्रो फ्याक्ट्री स्थापना गरिरहेको छ। निकै आधुनिक र एआई प्रविधिमा निर्माण भइरहेको तेस्रो फ्याक्ट्रीबाट करिब १४ लाखभन्दा बढी युनिट स्कुटर उत्पादन गर्न सकिन्छ। एथरले इलेक्ट्रिक स्कुटरको उत्पादन २०२८ बाट सुरु गरेको हो।

प्रकाशित मिति: बुधबार, असोज २२, २०८२ १७:४३

प्रतिक्रिया दिनुहोस्