आईफोन ११ सार्वजनिक

प्रविधि

गृहपृष्ठ
प्रविधि

आईफोन ११ सार्वजनिक

क्यापिटल नेपालशुक्रबार, भदौ २७, २०७६

एजेन्सी । आईफोन निर्माणकर्ता कम्पनी एप्पलले हालै सम्पन्न एक भव्य समारोहमा नयाँ प्रोडक्ट सार्वजनिक गर्नुका साथै आफ्नो सेवा तथा प्रोडक्टमा अपडेट गरेको छ । एप्पलको कार्यक्रममा आकर्षणको केन्द्रबिन्दु आईफोन ११ का सिरिज आईफोन ११, आईफोन ११ प्रो र आईफोन ११ प्रो म्याक्स थिए ।

एप्पलले कार्यक्रममा अन्य दुई प्रडक्ट सेभेन्थ जेनेरेसन आईप्याड र वाच सिरिज ५ लन्च गरेको छ । कार्यक्रममा एप्पल आर्केड र एप्पल टीभी प्लसको मूल्य र त्यसको उपलब्धतताको विस्तृत जानकारी पनि दिइएको थियो ।

आईफोन ११ सिरिज

आईफोन एक्सआरको ठाउँमा आईफोन ११ आएको छ । यसमा डुअल रियर क्यामेरा, नयाँ ग्लास डिजाइन र फास्टर ए १३ बायोनिक चिप छन् । यसमा अपग्रेडेड १२ मेगापिक्सल्सको ट्रुडेप्थ सेल्फी क्यामेरा राखिएको छ । यसमा हेप्टिक टचसहितको ६.१ इन्चको लिक्विड रेटिना डिस्प्ले छ ।

आईफोन ११ भारतमा सेप्टेम्बर २० बाट लन्च हुँदैछ । यसको सुरु मूल्य ६४ हजार ९ सय भारु तोकिएको छ । यसका तीन ओटा स्टोरेज भेरियन्ट छन्, ६४ जीबी, १२८ जीबी र २५६ जीबी ।

आईफोन ११ प्रो र आईफोन ११ प्रो म्याक्समा ट्रिपल क्यामेरा सेटअपमा १२ मेगापिक्सल्स वाइड लेन्स प्रयोग भएको छ । आईफोन ११ प्रोमा ५.८ इन्चको ओलेड डिस्प्ले छ । आईफोन ११ प्रो म्याक्समा ६.५ इन्चको डिस्प्ले । आईफोन प्रो सिरिजमा म्याट फिनिससहित र स्टेनलेस स्टिलल ब्यान्डसहित ग्लास बडी छ ।

प्रकाशित मिति: शुक्रबार, भदौ २७, २०७६ १८:१४

प्रतिक्रिया दिनुहोस्